2 SAMUEL 24:1 - KITAB NU TUMPU ALLA LELE MA'IMAI'

¹ Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

2 SAMUEL 24:1 ပူးပေါင်းရင်းမြစ်များ

KAJADIAN 45:5

Boli mabuhuk kabai monsosoli butong nu belemiu kalana belemiu nompobalukmo aku. Sabenannyo Tumpu Allah na nompopohimoonakonmo nomboa mae aku no'uuka, atina'je ka' belemiu da momposalamat mian da'isan.

KAJADIAN 50:20

Belemiu nomposa'angu'mo tanga'an sahingga mombaumo idek hi belengku, panyo Tumpu Allah nombali'imo, ka'idekan aijo' tinimbalimo ka'ima'an, da apaa na anu jinadimo naipuan mae aijo' da'isan na mian anu tumuu' uuka aiya pinosalamatmo.

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

2 TOMU-TOMUNDO' 3:6

Kalana aijo' i Tomundo' Yoram sampamo nompala'i Samaria ka' nambamo nompaha tipaha'i iwi-iwi' na suludadunyo anu mahampate.

1 TAWARIKH 21:1

Ibilis kahanda'mo monsilakai aha mian nu Israel; kalana aijo' pagalamo sinale'annyo na i Daud da obilangmo na mian.

1 TAWARIKH 7:2

I Tola kino anak aha anom na mo'ane: i Uzi, i Refaya, i Yeriel, i Yahmai, i Yibsan tiba i Samuel. Ahamo aijo' na to tu'a-tu'anyo nu auwan hi aha sa'anakan mae i Tola ka' anu talasanggo hondo baani na bau suludadu. Tempo'nyo daagi i Tomundo' Daud, lee' nu aha konjoo'nyo 22.600 na mian.

1 TAWARIKH 7:40

Aijo'mo na lee' i Asyer. Aha iwi-iwi' to tu'a-tu'anyo nu auwan ka' talasanggo hondo salaku mian anu baani hondo ka' salaku to pola-polaya' anu matangkas na pangkatnyo nu aha. I uno nu daputan tinulis na lee' i Asyer, aha 26.000 na to momo'ane anu timbali o hangkat bau suludadu.

2 TAWARIKH 32:25

Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

YEHEZKIEL 14:9

De samian na nabi ingakalanmo sahingga montaami sala'mo. Akumo ahi' na nongakali. Aku, Tumpu Anu Matangkas na Kuasanyo monsabatakonje ia da bolimo maninggalum tiba aha to mia-mian nu Israel.

YEHEZKIEL 20:25

Lapas aijo' binee'-Kumo hi aha na atulan-Ku iwi-iwi' anu madi' ma'ima' tiba iwi-iwi na palentah-ngKu anu madi' mombee'i kantumuu'an.

IMAMAT 10:6

Lantas i Musa notataemo hi Harun ka' hi to ana-anaknyo sangga'at, aijo'mo i Eleazar ka' i Itamar, “Boli opojohok na ubak nu belemiu tapuhakak ka' boli obeak na baju' nu belemiu salaku tanda taalu' belemiu sinusa'mo ka' nohangimo. De belemiu mombau sumo aijo' belemiu silakamo, ka' iwi-iwi' na aha mian Israel nutambuha'imo nu Tumpu. Panyo iwi-iwi' na aha mian Israel sangga'at timbali mohangi ua-ua'aha aijo' anu pinateanmo nu apu lengkat mae hi Tumpu.

NOMBILANGMO 1:19

Susumo anu pinalentahkonmo nu Tumpu. Iwi-iwi' aijo' binaumo i Musa i padang bola nu Sinai.

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

2 TESALONIKA 2:11

Aijo' na sababnyo Tumpu mompotokamo hi aha sa'angu' na kuasa anu mompobingong, sahingga aha palesayamo hi apaa na anu madi' totu'u.

TO MIA-MIAN KOPIAN 2:20

Kalana aijo' Tumpu nontambuha'imo hondo mian nu Israel, ka' notatae, “Aku nompalentahmo mompolee' nu bansa aiya da montoongi palajanjian-Ku hi aha. Panyo bansa aijo' nongkakabasakonmo palajanjian aijo'; aha nolanggaimo palentah-ngKu.

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.