2 SAMUEL 23:7 - KITAB NU TUMPU ALLA LELE MA'IMAI'

⁷ mau pe'e samian madi' ko anu mongka'oho' mongkanyang ia de madi' mompake kau' kabai besak. Mian haha aijo' nohopu'mo tinoyo'an nu apu.

2 SAMUEL 23:7 ပူးပေါင်းရင်းမြစ်များ

MAZMUR 21:10

Ia toka mae sumo apu anu moakmo kahanda'mo mompatei aha. Tinambuha'anmo nu Tumpu na aha kalana aitu aha ohopu'imo, ka' nuangotimu nu apu.

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YESAYA 33:12

Belemiu sumomo batu gahanggan anu opapui da bau tilon; susumo kuhat anu kohii'nyo, anu otaa'mo ka' opapuimo nu apu.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

MATIUS 13:30

Pojohokmo na padang haha aijo' tumuu' hingga-hinggat toka tempo'nyo mompadak. Tanda'i, kutaloakonje hi to mia-mian anu mompadak'. Limu'akon pe'e na padang haha aijo', obutu'i ka' o papui. Lapas aijo' limu' na gandumnyo, ka' o uno i uno nu alang.’ ”

MATIUS 13:42

Aha iwi-iwi' olumbu'akon i uno nu tolukun anu ko apunyo ka' moak hondo; i kiijo' aha humaangje ka' mongoa'i sansala.

LUKAS 19:14

Panyo tumpu nu lipu' aijo' mongka'ideki ia. Jadi, salatan ia i nambamo, aha nonsaimo bobotokon da mompoto'i, ‘Kami madi' mongka'oho' mian aiya timbali tomundo mami.’

LUKAS 19:27

Ka' uuka boamo mae na sampo bali'ku haha atina' anu madi' mongka'oho' aku timbali tomundo'nyo. Pateimo na aha iwi-iwi' aiya i ahopku!’ ”

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

IBRANI 6:8

Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.