2 SAMUEL 23:21 - KITAB NU TUMPU ALLA LELE MA'IMAI'

²¹ Ia mule' toho'mo nompatei mian nu Mesir samian anu mahoson ka' ko toongonnyo talombo'. Ola ingahopan i Benaya nu tokon. Talombo' anu aijo' hi lima nu mian Mesir ingagoannyo lantas pinompateinyomo mian aijo'.

2 SAMUEL 23:21 ပူးပေါင်းရင်းမြစ်များ

2 SAMUEL 23:20

Samian na suludadu sanga'at anu matangkas na pangkatnyo ka' suele talasanggo aijo'mo i Benaya anak i Yoyada mian nu Kabzeel. Ia baani hondo. Ua aha na talenga' anu talasanggo lengkat mae i Moab pinateannyomo. Daagi' kino minsan tempo'nyo nu bakin ia ninsoopmo i sa'angu' na liang, ka' nompateimo sa'angu' na singa ikiijo'.

2 SAMUEL 23:22

Aijo'mo na usaha anu binau i Benaya nahampate, mian anu ninsoop i “Tridasawira”.

1 TAWARIKH 11:23

Ia toho'mo suele nompatei mian nu Mesir samian anu daka' hondo na butongnyo; ko tangkasnyo molabi ohua' na meten. Mian aijo' ko toongon bau pimuhuk te talombo' anu daka' hondo, panyo ingahopan i Benaya ola amangkun na toongonnyo. Talombo' anu i lima nu mian nu Mesir aijo' ingagoannyo lantas aijo'mo na pinompateinyo mian aijo'.

KOLOSE 2:15

I Salib aijo' pinotimbalimo i Kristus na to roh-roh iwi-iwi' anu mompalentah ka' mongkuasai madi'mo daagi' moko ala mombau apa-apaa. Aha opotimbalimo anu opotoakon nu mian da'isan de i Kristus mohela'mo aha salaku mian anu ihakopmo ka' pinolondamo kalana Ia nompatundu'mo aha.