2 SAMUEL 23:20 - KITAB NU TUMPU ALLA LELE MA'IMAI'

²⁰ Samian na suludadu sanga'at anu matangkas na pangkatnyo ka' suele talasanggo aijo'mo i Benaya anak i Yoyada mian nu Kabzeel. Ia baani hondo. Ua aha na talenga' anu talasanggo lengkat mae i Moab pinateannyomo. Daagi' kino minsan tempo'nyo nu bakin ia ninsoopmo i sa'angu' na liang, ka' nompateimo sa'angu' na singa ikiijo'.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

2 SAMUEL 20:23

Aiyamo na mian anu singkap ko ko pangkatnyo matangkas anu ihangkat i Daud. Talenga' nu aha Israel iwi-iwi'; i Yoab. Anu mongkapalai gombuan nu suludadu anu monjagai i Daud; i Benaya anak i Yoyada.

2 SAMUEL 23:21

Ia mule' toho'mo nompatei mian nu Mesir samian anu mahoson ka' ko toongonnyo talombo'. Ola ingahopan i Benaya nu tokon. Talombo' anu aijo' hi lima nu mian Mesir ingagoannyo lantas pinompateinyomo mian aijo'.

2 SAMUEL 23:22

Aijo'mo na usaha anu binau i Benaya nahampate, mian anu ninsoop i “Tridasawira”.

2 SAMUEL 8:18

Kapala nu anu monjagai i tomundo': i Benaya anak i Yoyada; To ima-imam ilaigan nu tomundo': to ana-anak i Daud.

1 TOMU-TOMUNDO' 1:26

Panyo' ia madi'nolaga aku. I Imam Zadok ka' i Benaya tiba i Salomo suele madi' ilaganyo.

1 TOMU-TOMUNDO' 1:38

Sahingga i Zadok, i Natan, i Benaya ka' suludadu anu monjagai tomundo' nompoitamo i Salomo da sumake'mo i bagal i tomundo' lantas sinangaluanmo nu aha namba i mata nu uee Gihon.

1 TOMU-TOMUNDO' 1:8

Panyo' i Imam Zadok, i Benaya anak i Yoyada, i Nabi Natan, i Simei, i Rei, ka' suludadu anu lewa'monjagai Tomundo' Daud madi' monsangaja'i i Adonia.

1 TOMU-TOMUNDO' 2:46

Noko taloakon aijo', i tomundo' nompalentahmo i Benaya, lantas nambamo na i Benaya nompatei i Simei. Uuka aiya me samata-mata i Salomo na mongkuasai kalaja'annyo.

1 TAWARIKH 12:8

Tempo'nyo i Daud binabentengmo i padang anu mateges manjoo' na to sulu-suludadu anu toto pande-pande ka' anu tinalasanggomo aha tulunan nu bansa Gad tinokamo nosa'angu' hi ia. Aha to sulu-suludadu anu makolit hondo na montoongi kanta ka' talombo'; aha to babaani susumo singa ka' henggo nu aha lumpatan susumo jonga.

YOSUA 15:21

Kota-kota anu talalo hondo majo'on i sasu selatan na anu ingalamo nu aha Yehuda, aijo'mo anu i potempasan tiba Edom, iwi-iwi' uampulu' ka' osio' na kota, tibamo kampu-kampung anu kiijo' i da'erahnyo. Kota haha aijo' aijo'mo: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hasor-Hadata, Keriot-Hezron (aijo'mo Hazor), Amam Sema, Molada, Hazar-Gada, Hesmon, Bet-Pelet, Ziklag, Madmana, Sansala, Lebaot, Silhim, Ain ka' Rimon.