2 SAMUEL 23:18 - KITAB NU TUMPU ALLA LELE MA'IMAI'

^18-19 Aha tolumpulu' na suludadu anu matangkas na pangkatnyo ka' anu tinalasanggomo aijo' sinanggohan mule' “Tridasawira”. Anu mongkapalai aha i Abisai utus ise' i Yoab anak i Zeruya. Ia toho'mo nompatei nu talombo'nyo tolu'atu na mian. Kalana aijo' sahingga ia tinalasanggomo. Panyo ia madi' lebe baani molingkudui “Triwira”.

2 SAMUEL 23:18 ပူးပေါင်းရင်းမြစ်များ

2 SAMUEL 10:10

Labinyo nu suludadu nu Israel sangga'at, binee'nyomo hi Abisai utusnyo ise, na momposadia suele suludadunyo mompaha-paha ahop tiba suludadu nu Amon.

2 SAMUEL 10:14

Salatan aha mian nu Amon nontoa suludadu nu Siria nopalaimo aha suele nopalaimo madi'mo nongewa i Abisai lantas ninsusule'mo i kota'. Noko lapas na nahampate tiba mian nu Amon, i Yoab ninsusule'mo i Yerusalem.

2 SAMUEL 18:2

Lantas sinainyomo namba nahampate na aha, binaginyo totolu' na gombuannyo ka' anu nongkapalai toto sanggombu: i Yoab, i Abisai utus ise' i Yoab ka' i Itai anu nolengkat mae i Gat. I Daud notatae hi to sulu-suludadunyo haha aijo', “Aku suele mamba hingga-hinggat tiba belemiu.”

2 SAMUEL 2:18

Aha toto-totolu' na anak i Zeruya tempo'nyo aitu daagi aijo'mo: i Yoab, i Abisai, tiba i Asael. I Asael de mopadeka' malia' hondo sumo jonga,

2 SAMUEL 20:10

Madi' tinoa i Amasa na bajak aijo' i kewe' i Yoab. Monti-montiik jinalo'mo i Yoab na kompong i Amasa nu bajaknyo, sahingga isi nu kompongnyo nobubusmo i tano'. Ia balomo i nate tempo'nyo aijo' sahingga i Yoab madi'mo po ule' nonjalo'. Lantas i Yoab tiba i Abisai utusnyo ise' sabole-bolemo nololoi' i Seba.

2 SAMUEL 3:30

Sumo aijo' na i Yoab tiba i Abisai utusnyo ise' nombalosakonmo pusah nu aha hi Abner, kalana i Abner nompateimo i Asael utus ise' nu aha tempo'nyo nahampate kiijo' mae i Gibeon.

ANU MOMPOLELE POTATAE NU TUMPU 4:12

Ua'aha na mamba hingga-hinggat i lumambanan moko ala montangkis pimuhuk nu sampo bali' panyo de ola sausa' dengke na nupokalah. Totolu' na hambahan nu kohohon, okahohon timbali sa'angu', susa' na obotu'i.