2 SAMUEL 23:16 - KITAB NU TUMPU ALLA LELE MA'IMAI'

¹⁶ Salatan aha totolu' na suludadu anu matangkas na pangkatnyo nohongomo aijo', aha nompokiijo'imo kemah nu mian Filistin lantas nontaukmo mae uee nu bubung aijo' ka' binoamo nu aha hi Daud. Panyo i Daud madi' nongka'oho' nonginum ola mule' ahi' binubusakonyo salaku palasombahannyo hi Tumpu.

2 SAMUEL 23:16 ပူးပေါင်းရင်းမြစ်များ

KAJADIAN 35:14

I tampat nu Tumpu Allah notatae hi Yakub aijo', pinotinjonyomo sa'angu' na batu salaku bau pontandai. Lantas batu aijo' sinombahkonnyomo hi Tumpu Allah aijo'mo dinudu'annyomo nu anggur ka' lanya' nu zaitun i batu aijo'.

2 SAMUEL 23:9

Mian anu ko'ohua'nyo i Triwira aijo' aijo'mo i Eleazar anak i Dodo aha mae mian nu Ahohi. Ia nonsangalui i Daud tempo'nyo aha nongahopi mian nu Filistin anu sinihukmo kahanda'mo mahampate. Lantas tempo'nyo aitu gombuan nu suludadu nu Israel tinolo ule'mo,

1 TAWARIKH 11:18

Nohongo potatae aijo' aha totolu' na suludadu anu toto tangka-tangkas na pangkatnyo aijo' nompokiijo'imo kemah nu aha Filistin lantas nontaukmo mae uee i bubung aijo' lantas binoamo nu aha hi Daud. Panyo i Daud madi' nongka'oho' nonginum, ola ahi' binubusakonnyo salaku bau tanda sinombahkonnyomo hi Tumpu.

ANU MOMPOLELE POTATAE NU TUMPU 4:12

Ua'aha na mamba hingga-hinggat i lumambanan moko ala montangkis pimuhuk nu sampo bali' panyo de ola sausa' dengke na nupokalah. Totolu' na hambahan nu kohohon, okahohon timbali sa'angu', susa' na obotu'i.

MOHAANGI 2:19

Po uli-ulit na mobula sampahu da oloboo'akon iwi-iwi' na isi nu kinyonyoa nu beleyum hi Tumpu. Poita da Ia molibos mae hi to ana-anak nu beleyum anu no ohopmo, ka' mule' anu pinoso'mo i iwi-iwi' na teku'an nu jalan.

NOMBILANGMO 28:7

Hingga-hinggat tiba anak nu domba aijo' tionyo ahi' osombahkon mule' anggur sa'angu' na liter anu odudu'akon i mezbah.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

ROMA 5:7

Batu-batu mian anu adin susa' na mongka'oho' mate. Beilako' mian anu ma'ima' na kinyonyoa yo daagi' ko mian anu baani mate.

2 KORINTUS 5:14

Kalibosan i Kristus na nongkuasaimo kami; ka' osumbu' mami taalu' de samian sinilakamo bau pontokong mian iwi-iwi', makia' aijo' mongalati'i saba' iwi-iwi' na mian sinilakamo.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)