2 SAMUEL 23:10 - KITAB NU TUMPU ALLA LELE MA'IMAI'

¹⁰ i Eleazar na sabole-bolemo nahampate ka' nompateimo mian nu Filistin sahingga ia nalawemo hondo. Limanyo i hojokmo sahingga ia madi'mo noko ala nongkakabasakon bajaknyo. Sinaa aitu Tumpu nombee'mo ka untungan nahampate anu daka' hondo hi aha mian nu Israel. Gombuan nu suludadu nu aha Israel anu tinolo ule'mo ninsusule' nokiijo' i tampat pinahampatean i Eleazar. Lantas lewa'mo nongukatakon baju' anu pinusok nahampate nu to bangke-bangke' haha aijo' ikiijo'.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Panyo i Sama sabole-bolemo nahampate, nompateimo ka' nompatundu'mo mian nu Filistin sahingga noko alamo nompo ago ale' aijo'. Sumo aijo' nu Tumpu nombee'mo ka untungan nahampate anu daka' hondo.

2 TOMU-TOMUNDO' 5:1

I Naaman talenga' nu suludadu nu Siria anu nu kalibosi hondo ka' nu angga'i i tomundo' Siria. Kalana tibaje i Naaman sahingga Tumpu nombee'ije ka'untungan nahampate na suludadu Siria. I Naaman samian na talenga' anu baani hondo panyo ia ko panyakitnyo i kilit anu okabuhuk hondo.

1 TAWARIKH 11:13

Aha nahampate kiijo' i Pas-Damim ia naninggalum hi Daud nongewa mian nu Filistin. Salatan mian nu Israel lewa'mo nopalai, ia tiba to sulu-suludadunyo na sabole-bole ahi' nongewa i totonga' nu sa'angu' na ale' nu gandum nahampate nongewa mian nu Filistin haha aijo'. Lantas binee'anmo nu Tumpu ka'untungan nahampate anu daka' hondo hi ia.

MAZMUR 108:13

Tulungiakon mae na kami da boli mae ko anu monsampobali', kalana de ola mian na montulungi mae madi' ko gunanyo.

MAZMUR 144:10

Belento nompo'untungmo to tomu-tomundo' nahampate, ka' nompobebasmo i Daud posaihon nu Belento.

MAZMUR 68:12

Tumpu nompalentahmo, lantas to boboune nompolelemo:

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

YOSUA 10:10

Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 11:8

Ka' pino'untungmo nu Tumpu na Israel nongewa aha. Aha mian nu Israel nontumbuhimo ka' nololoi'mo aha kojo'onnyo tinoka-toka i Misrefot-Maim tiba Sidon sasu utara, ka' kojo'onnyo toka-toka i Bangka'nyo nu Mizpa sasu kabete'an. Sabole-bole saja'mo nahampate sahingga sampobali' madi'mo ko anu tinontuha', iwi-iwi' i natemo.

TO MIA-MIAN KOPIAN 15:14

Salatan i Simson binoamo ka' tinokamo i Lehi, aha mian nu Filistin singkapmo mae tinoka ka' nontaligalai ia. Monti-montiik ia nahosonmo kalana kuasa nu Tumpu. Kahohon haha aijo' anu pinompungu limanyo binotu-botu'nyo pokakanamo sumo anu notoyo' na kahohon aijo'.

TO MIA-MIAN KOPIAN 15:18

Lapas aijo' i Simson i negotmo hondo, sahingga ia nomoitamo tulung hi Tumpu. Ia notatae, “O Tumpu, sala'je uuka na Belento nombee'i mae ka'untungan nahampate anu daka' aiya hi belengku. Uuka aiya pa'aku silakamo nu megot, sahingga nuhakopmo nu to mia-mian nu Filistin anu madi' monsumbu' belento?”

1 SAMUEL 11:13

Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 14:23

Aha nahampate nontuusakon jalan tinoka-toka noliu-liu Bet-Awen. Tumpu nomposalamatmo Israel sinaa aitu.

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 17:53

Lapas aijo' aha mian nu Israel ninsusule'mo madi'mo nololoi' mian nu aha Filistin, lantas nompahuhuakonmo isi nu kemah nu aha.

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”