2 SAMUEL 23:1 - KITAB NU TUMPU ALLA LELE MA'IMAI'

¹ I Daud anak i Isai pinile'anmo binau tomundo' ka' pinotimbalimo nu Tumpu Allah i Yakub sahingga tinimbalimo mian daka'. Iamo na nompotiju' nyanyanyian hi aha Israel. Aiya na anu pupuusnyomo tinaloakon i Daud:

2 SAMUEL 23:1 ပူးပေါင်းရင်းမြစ်များ

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

2 SAMUEL 22:34

Ia nompohosonmo tengkengku susumo tengke nu jonga, ka' nonjagaimo kasalamatanku aita isinin na bungkutnyo.

2 SAMUEL 22:51

Tumpu Allah nompo untungmo hondo nahampate na i tomundo' anu i hangkat-Nyomo; Ia tataap mongkalibosi mian anu pinile'an-Nyomo, aijo'mo i Daud tiba lee'nyo sampe toka sidu-sidutu'.

1 TAWARIKH 16:7

Aijo'mo na momonanyo i Daud nombee'imo kalaja i Asaf ka' to sanga-sangalunyo manyanyi bau pompuji-puji' Tumpu.

1 TAWARIKH 16:9

Onyanyiakon na bau pompuji' Tumpu, obebakon iwi-iwi' apaa na anu binau-Nyomo anu okabangangi.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 72:20

Sumo uuka na do'a i Daud, anak i Isai.

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

MAZMUR 89:21

Aku nongkabotmo i Daud, posaihonku, ka' jinujuhankumu nu lanya' susumo biasa opake de mohangkatmo samian timbali tomundo'.

AMOS 6:5

Belemiu sanang na mombabali'i nyanyian susumo anu binaumo i Daud ka' belemiu mompahaikakon lagu-lagu aijo' tiba kasapi.

LUKAS 20:42

Padahan posi i Daud notatae i Kitab Mazmur, ‘Tumpu notatae hi Tumpungku: Suhangmo i sasu koanan-Ku,

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

YAKOBUS 5:13

De itina' hi komiu daagi' ko anu hau-haunyo susa', tionyo ahi' ia balado'a. De ko anu lame', panyanyi na ia ka' puji' na Tumpu.

1 SAMUEL 17:12

I Daud anak i Isai mian nu aha Efrata lengkat mae i Betlehem Yehuda. I Isai ko anak aha ualu' na to momo'ane, ka' tempo'nyo i Saul nompalentah i Isai i langkai'mo hondo'.

1 SAMUEL 18:7

Hau-haunyo to bou-boune monsalelei, aha nonyanyimo sumo uuka, “I Saul nompateimo momada-madala na sampo bali', panyo i Daud mopulu-pulu' na madala.”

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”