2 SAMUEL 22:5 - KITAB NU TUMPU ALLA LELE MA'IMAI'

⁵ Aku tinikubanmo nu balaa' kasilaka'an ka' iletabanmo nu iyaba' anu monsilakai.

2 SAMUEL 22:5 ပူးပေါင်းရင်းမြစ်များ

MAZMUR 18:4

Aku mongkakase hi Tumpu anu pantas o puji', Ia nompobebasmo mae aku da boli nupoposia nu to sampo-sampobali'ku.

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

YUNUS 2:3

Itampat anu maleeng Belento nolumbu'akonmo aku tinoka-toka ilananyo nu ambai. Ikaiyong mae solok nu ambai nontikubimo mae aku na bokon tiba solok nolumbu'akonmo aku.

LUKAS 21:20

“De otoa miu na Yerusalem nutumbuhimo nu suludadu, osumbu'mo miu taalu' madi'mo pin kota aijo' o ideimo.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

ANU PINOTO'I HI YOHANES 17:1

Lapas aijo' sala'samian na malaikat anu aha popitu' aijo' nontoongimo popitu' na tampat nu anggurnyo tinoka mae hi belengku ka' notatae, “Imbo', ku potiju'je hi belemiu mosia na anu talalo hondo masala' aijo' o hukum, aijo'mo kota daka' aijo', anu pinotinjo koko kaunyo haha aijo'.

ANU PINOTO'I HI YOHANES 17:15

Malaikat aijo' po'ule' notatae, “Uee anu tinoa nu beleyum aijo', tampat kinasuhangan nu to mia-mian masala' aijo', aijo'mo to bansa-bansa, to laya-layat, to nega-negara, ka' to basa-basa'.