2 SAMUEL 22:44 - KITAB NU TUMPU ALLA LELE MA'IMAI'

⁴⁴ Belento nompobebasmo mae aku da boli nu patei nu bansa anu uesan, ka' nompojadimo mae aku mongkuasai aha to bansa-bansa; bansa anu madai' ku sumbu-sumbu' jinadimo posaihonku.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Sumo aijo' na i Daud nongala kinyonyoa nu aha iwi-iwi' mian nu Yehuda sahingga aha nompotuunmo i tomundo' da minsusule'mo mae ilaigan nu tomundo' hingga-hinggat tiba iwi-iwi' mian anu ko pangkatnyo.

2 SAMUEL 19:9

Aha iwi-iwi' na tulunan nu bansa Israel pinainggagamo. Koonyo nu aha “I Tomundo' Daud nompotumuu'mo kita da madi' pinatean nu aha Filistin ka' madi'mo pinoposia nu sampo bali' sangga'at panyo uuka aiya ia nopalaimo da madi'mo nu poposia i Absalom ka' nompala'imo lipu' aiya.

2 SAMUEL 20:22

Lantas nambamo na ia ka' tiba kapandeannyo aijo' pinotokanyomo na tanga'annyo aijo' hi aha mian nu kota aijo'. Lapas aijo' ubak i Seba pinolomo nu aha ka' ilumbu'akonnyo nu aha nokiijo' hi Yoab. Jadi pinuuhanmo i Yoab na tolompetnyo sahingga suludadunyo nompala'imo kota aijo' lantas ninsusule'mo ilaigan nu aha toto samian. I Yoab suele ninsusule'mo i Yerusalem nangadap hi tomundo'.

2 SAMUEL 3:1

Anu monsangaja'i aha sampoto utusan mae i Saul tiba anu monsangaja'i aha sampoto utusan mae i Daud saja'mo nahampate. I Daud nompaka pahosonmo panyo aha sampo bali'nyo madi'mo kinokahosonan.

2 SAMUEL 5:1

Lantas tinokamo na to pola-polaya' tulunan nu aha bansa Israel hi Daud kiijo' i Hebron ka' nompoto'i hi ia, “Kami aiya daagi mae julu nu belento Tomundo'.

MAZMUR 110:6

Ia mohukumo to bansa-bansa, sahingga bangke-bangke nu mian paha-paha bandangmo. Ia monsilakaimo aha anu singkap balakuasa, i songko-songko na dunia.

MAZMUR 18:43

Aha i tinutukumo susumo abu' anu sinagakonmo, ka' sinautankumo susumo hensek ijalan.

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

YESAYA 55:5

Belemiu molagaje to bansa-bansa anu salipu'an mae, ka' aha sampaje toka mae hi belemiu, kalana Aku, Tumpu nu belemiu, Tumpu nu Israel anu susi', kalana Aku nompopodaka'mo sanggo nu belemiu.”

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YESAYA 65:1

Tumpu notatae, “Aku sinadiamo montaami mian anu palesayamo hi beleng-Ku panyo aha madi' balado'a hi beleng-Ku. Aku balasadia nusingkaboti nu aha, panyo aha madi'mo molio Aku. Bansa aijo' madi'mo molaga Aku, maunyo ahi' Aku sinadiamo montaami: Aiyamo na Aku!

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

ROMA 15:12

Ka' aiya suele na anu tinaloakonmo i Yesaya, “Lengkat mae hi lee' i Isai tokaje na sala'samian anu mompalentah to bansa-bansa; hi Ia na bau kataha'imanan nu to bansa-bansa.”

ROMA 9:25

Kalana i kitab Nabi Hosea, Tumpu notatae, “To mia-mian anu misa' mian-Ku anu palesayamo, Kusanggoje, ‘Mian-Ku anu palesayamo’. Bansa anu madi' Ku kalibosi, Kusanggoje anu ‘Ku kalibosi’.

PO'ULE' INGULIT 28:13

Tumpu Allah nu belemiu mompotimbalije belemiu polaya' nu to bansa-bansa, ka' misa anu ola opalentah. De belemiu mombau ima-ima' palentah nu Tumpu iwi-iwi' anu binee'kumo hi belemiu sinaa aiya, belemiu mompaka sanangmo na kantumuu'an ka' madi'mo toho' kakulangan.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”