2 SAMUEL 22:31 - KITAB NU TUMPU ALLA LELE MA'IMAI'

³¹ Palabuatan nu Tumpu Allah sinukupmo hondo apaa na anu jinanji'mo nu Tumpu opalesaya! Ia sumo kanta kona hi mian iwi-iwi' anu mamba hi Ia da nu jagai.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

AYUB 34:10

O to mia-mian anu pande, potombihing mae! Te toho' mule' Anu Daka' na kuasanyo mombau kasala'an?

MAZMUR 119:140

Anu jinanji'mo nu Belento mahoson ka' timbali opalesaya talalo hondo ku ka'ima'i.

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 18:30

Belento nombee'imo mae aku kahosonan mompatei sampobali'ku; kalana Tumpu-ngku nontulungimo mae sahingga ingideankumo na benteng nu aha.

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MAZMUR 35:2

Alamo na kanta tiba nu Belento ka' tinjomo mae montulungi aku.

MAZMUR 84:9

Potombihing mae na do'angku, O, Tumpu Anu Daka' na Kuasanyo, potombihingakon mae, O, Tumpu i Yakub.

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

AMSAL 30:5

Iwi-iwi na palajanjian-Nyo tataap oganapi. Ia sumomo kanta da molindungi sinin na anu toka mae.

ANU MOMPOLELE POTATAE NU TUMPU 3:14

Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!