2 SAMUEL 22:3 - KITAB NU TUMPU ALLA LELE MA'IMAI'

³ Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

2 SAMUEL 22:3 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

2 SAMUEL 22:31

Palabuatan nu Tumpu Allah sinukupmo hondo apaa na anu jinanji'mo nu Tumpu opalesaya! Ia sumo kanta kona hi mian iwi-iwi' anu mamba hi Ia da nu jagai.

2 SAMUEL 22:47

Ia nombee'imo mae aku ka untungan nahampate nongewa sampo bali'ku Tumpu tumuu'! O, puji' na anu montinjohi mae aku! Opopodaka' na kakuasa'an nu Tumpu Allah anu nomposalamatmo mae aku!

2 SAMUEL 22:49

pinosalamat-Nyomo mae na aku da boli nu patei nu aha anu monsampobali' mae aku O, Tumpu pino untungmo mae nu Belento na aku nahampate nongewa sampo bali'ku; Jinagaanmo nu belento na aku da boli nu patei nu to mia-mian anu uesan.

2 SAMUEL 22:51

Tumpu Allah nompo untungmo hondo nahampate na i tomundo' anu i hangkat-Nyomo; Ia tataap mongkalibosi mian anu pinile'an-Nyomo, aijo'mo i Daud tiba lee'nyo sampe toka sidu-sidutu'.

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

MAZMUR 14:6

Mian anu ma'idek na kinyonyoanyo ola saja' monsusa'i kantumuu'an nu mian anu kasiasi panyo Tumpu na monjagai ahi' aha.

MAZMUR 140:1

Anu mongkapalai panyanyi. Mazmur i Daud.

MAZMUR 140:11

Bakas da obaa nu apu mongujani aha, ka' o'alinmo i bolo' nu kapatean, sahingga madi'mo daagi' moko ala mosabat mae.

MAZMUR 140:4

Soba toa na aha sumomo ulo anu ko bisa'nyo, potatae nu aha sumomo lasung nu ulo sangku'.

MAZMUR 142:4

Tempo'nyo me ise-ise' madi'mo ko anu ku taha'imani, sinumbu'mo nu Belento apaa na anu tionyo ahi' ku bau. I jalan anu tionyo ahi' ku tului, anu monsampobali' mae hoko-hokot nompokonamo so'o bau pohakop aku.

MAZMUR 144:2

Iamo na anu nontulungi mae aku ka' nontinjohimo mae aku, anu nomposalamatmo mae aku tampat pihohungankumo. Ia nonjagaimo mae aku, tampat pinopalaianku, iwi-iwi' na bansa pinota'aluk-Nyomo hi belengku.

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 27:5

Tumpu na monjagai mae aku de aku nu tokaimo mae nu kasusa'an; Ia momposuluk aku i uno nu Laigan-Nyo, ka' mohangkat aku mokiita' ibungkutnyo nu batu.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 32:7

Belentomo na tampat paninsulukanku, Pinobebasmo nu Belento na aku da madi' tinokan nu kasusa'an. Sahingga aku nontaligalaimo kalana ilame'mo kalana Belento nomposalamatmo mae aku.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 5:12

O'amalakon da iwi-iwi' na mian anu mihohung hi Belento mohumpak kabilahian ka' lewa' montaligalai sampe toka sidu-sidutu'. Jagaiakon na to mia-mian anu mongka'ima'i Belento da aha saja' mongoa'i kalame'an kalana Belento.

MAZMUR 55:9

Aku sampamo molio tampat pihohungan da madi' nukona nu tombosisi' ka' antong anu daka' hondo.

MAZMUR 59:16

Aha mamba momoya molio anu okaan, ka' mintaumo de madi'mo mobosu.

MAZMUR 61:3

Majo'on i laiganku na aku aiya mongkakase hi Belento, kalana madi'mo ko anu ku taha'imani. Belentoje na momboa aku i tampat popalaian da madi' ko anu mompoposia tampat anu talalo hondo matangkas madi'mo ku poko ala otoka;

MAZMUR 71:7

Kantumuu'anku baumo sonto hi mian da'isan, kalana Belentomo na anu mahoson monjagai mae aku.

MAZMUR 72:14

Ia mompobebasmo aha da madi'mo lewa' obee'i kasansalan ka' anu saja' opalentah, nusinggi, kalana kantumuu'an nu aha ko angga'nyo hondo hi ia.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 84:9

Potombihing mae na do'angku, O, Tumpu Anu Daka' na Kuasanyo, potombihingakon mae, O, Tumpu i Yakub.

MAZMUR 86:14

O, Tumpu, mian anu buulon mambamo mae montumbuhi aku, sanggombu na mian anu toto sisinggi kahanda'mo mompatei mae aku; aha madi'mo mompajuli Belento.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

MAZMUR 9:9

Adin hondo na ia mompalentah to bansa-bansa ka' momputusi aha madi' tageo'.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

AMSAL 30:5

Iwi-iwi na palajanjian-Nyo tataap oganapi. Ia sumomo kanta da molindungi sinin na anu toka mae.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 16:9

Potombihing mae apaa na anu Ku poto'i hi beleyum, Aku, Tumpu Allah Israel Anu Matangkas na Kuasanyo. Lewo' nu mian anu lame' ka' kalame'an ma'di'mo Ku pobee' iwi-iwi'. Han aijo' nu sakisije nu to mia-mian anu daagi' tumuu' na belemiu tempo uuka aiya.

LUKAS 1:47

ka' santuu'ku binilahimo kalana Tumpu Pomposalamatku.

LUKAS 1:69

Ia nombee'imo kita pomposalamat anu baani, lee' i Daud, posaihon-Nyo.

LUKAS 1:71

da momposalamat kita i sampo bali'to ka' lengkat i kuasa nu to mia-mian anu mongka'ideki kita.

PO'ULE' INGULIT 32:37

Sahingga nupokilawamo nu Tumpu hi mian anu pinalesayamo hi Ia ‘Iyamo mae na to pilo-pilogot anu mahoson anu talalo hondo otaha'imani nu belemiu?’

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

TITUS 3:4

Panyo Tumpu anu Momposalamat kita nompotoamo kalibosan ka' kanonongan nu kinyonyoa-Nyo hi kita.

TITUS 3:6

Tumpu nombee'imo mae Roh-Nyo hi kita kalana pakalaja'an i Yesus Kristus, Tomundo anu Momposalamat kita,

IBRANI 2:13

I Yesus notatae mule', “Tumpu na anu Ku taha'imani.” Ka' Ia notatae mule', “Aiyamo na Aku, tiba to ana-anak anu binee'mo nu Tumpu hi beleng-Ku.”

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.

1 SAMUEL 2:2

Madi' koanu susi' susumo Tumpu! Ola Ia na moko ala monjagai mae.