2 SAMUEL 22:1 - KITAB NU TUMPU ALLA LELE MA'IMAI'

¹ Salatan i Daud pinosalamatmo nu Tumpu lewa' nahampate nongewa i Saul ka' mule' hi iwi-iwi' na sampo bali'nyo sangga'at, i Daud nanyanyimo nyanyian nompuji Tumpu: (

2 SAMUEL 22:1 ပူးပေါင်းရင်းမြစ်များ

2 SAMUEL 12:7

I Natan notataemo hi Daud, “Belentomo Tomundo' na mian ai-aijo'! Ka' sumo uuka na pinoto'i mae nu Tumpu, Tumpu Allah nu Israel, 'Beleyum ihangkat-Kumo binau tomundo' hi aha mian nu Israel ka' mule' pinosalamat-Kumo da madi' pinatean i Saul.

2 SAMUEL 22:49

pinosalamat-Nyomo mae na aku da boli nu patei nu aha anu monsampobali' mae aku O, Tumpu pino untungmo mae nu Belento na aku nahampate nongewa sampo bali'ku; Jinagaanmo nu belento na aku da boli nu patei nu to mia-mian anu uesan.

1 TAWARIKH 16:7

Aijo'mo na momonanyo i Daud nombee'imo kalaja i Asaf ka' to sanga-sangalunyo manyanyi bau pompuji-puji' Tumpu.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

NOSABATMO 15:1

Lantas i Musa ka' to mia-mian Israel nonyanyimo, nyanyian aiya bau pompuji' Tumpu, “Aku kahanda'mo manyanyi mompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalin-Nyomo i uno nu ambai.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

PO'ULE' INGULIT 31:30

Lapas aijo' i Musa nombasa'mo nyanyian aijo' sampe iningkot, hau-haunyo aijo' aha Israel iwi-iwi' mompotombihing.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

TO MIA-MIAN KOPIAN 5:1

Sinaa aitu nanyanyimo na i Debora tiba i Barak anak i Abinoam. Sumo uuka na koonyo nu aha:

1 SAMUEL 23:14

Lapas aijo' i Daud jonojoongmo i liang nu bungkutnyo anu lewa' panisulukan kiijo' mae i padang anu mapeges anu kiijo' i Zif. Ia saja'mo nu loloi' i Saul, panyo madi' nu bee' nu Tumpu hi tomundo' aijo'.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.

1 SAMUEL 26:24

Jadi susuma belento Tomundo' ihalala' akonkumo tumuu' sinaa aiya, sumo aitu mule' de timbali da nu jagai mae nu Tumpu na aku ka' mule' mompopalia mae iwi-iwi' na balaa'!”

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”