2 SAMUEL 21:6 - KITAB NU TUMPU ALLA LELE MA'IMAI'

⁶ Kalana aijo' aha popi-popitu' na mo'ane lee'nyo mae bee'mo mae hi kami da osegot ka' opokalayo'mo mami i ahop nu Tumpu kiijo' i Gigea kota i Tomundo' Saul.” Tinaaman i tomundo', “Ma'ima'mo de sumo itina', aha ku bee'mo.”

2 SAMUEL 21:6 ပူးပေါင်းရင်းမြစ်များ

KAJADIAN 40:19

Daagi' tolun sinaa aiya i tomundo mompalentahmo mian mompolo ubak nu beleyum lantas mompokalayo'mo bangk'e nu beleyum i sa'angu' na ohi', ka' to tomo-tomonsi' tokamo mae montoluki antok nu beleyum.”

KAJADIAN 40:22

Panyo anu mongkalesang roti i hukumo pinatean. Iwi-iwi' aijo' tinimbalimo susumo anu tinaloakonmo i Yusuf.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 SAMUEL 18:10

Samian na suludadu i Daud nontoa ia lantas pinoto'inyomo hi Yoab, “O Tuan, u'uka tinoangku na i Absalom tinongkalayo'mo i batang nu kau' anu daka'.”

2 SAMUEL 19:28

Mau mule' aha sa'anakan nu tuumangku mohumpakmo hukuman mate hi belento Tomundo' panyo aku aiya pinobee'mo nongkaan hingga-hinggat tiba belento Tomundo' ilaigan nu tomundo'. Jadi uuka aiya aku madi' mo baani mongkakase apa-apaa hi belento Tomundo'.”

1 TAWARIKH 12:3

Kapala nu aha aijo'mo i Ahiezer tiba i Yoas to ana-anak i Semaa mian nu Gibea. Aiya na sanggo nu suludadu haha aijo': i Yeziel tiba i Pelet to ana-anak i Azmawet i Berakha tiba i Yehu mian nu Anatot i Yismaya mian nu Gibeon, suludadu anu talasanggo hondo anu suele tinimbali kapala nu posa'angu'an “Tridasawira” i Yeremia, i Yehasiel, i Yohanan tiba i Yozabad mian nu Gedera i Eluzai, i Yerimot, i Bealya, i Semarya ka' i Seface mian nu Harufi i Elkana, i Yisia, i Azareel, i Yoezer ka' i Yasobam aha sa'anakan mae i Korah i Yo'ela tiba i Zebaja to ana-anak i Yeroham mian nu Gedor.

EZRA 6:11

Ku palentah sumo aiya da ihe na madi' mohongo-hongo palentah aiya, saba' obubut na ohi' nu laigannyo sangkau, otajomi na puusnyo lantas osusukakonmo i butongnyo nu mian aijo' sampe lampasan. Laigannyo tionyo ahi' otataki ka' ohunyo baumo pongalinan duhehe.

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

SISIKON NU TO RASUL-RASUL 13:21

Lapas aitu aha nompoita samian na tomundo. Tumpu nombee'mo aha i Saul anak i Kis lengkat i bansa Benyamin da bau tomundo nu aha kinopinnyo patompulu' na taun.

PO'ULE' INGULIT 21:22

“De daagi' ko samian anu binee'anmo hukuman mate kalana nombaumo anu ma'idek ka' butongnyo anu sinilakamo aijo' pinokalayo'mo i kau' anu pinototon,

YOSUA 10:26

Lantas pinateanmo i Yosua na tomundo haha aijo' ka' nompokalayo'mo aha i olima' na kau' anu pinotinjo. Bangke' nu aha pinobakasmo ikiijo' sampe mamalom.

YOSUA 8:29

Tomundo nu kota aijo' sinegot ka' pinokalayo'mo i kau' anu pinototon ka' pinojohokmo ikiijo' sampe mamalom. Salatan sinaa nakakinsapmo, i Yosua nompokaumo mian da mongala bangke'nyo aijo' ka' ingalinmo i ahop nu sabatan daka' nu kota. Lapas mae aijo' tinambulanmo nu batu manjo-manjoo' hondo. Batu haha aijo' daagi' kiijo' sampe tempo' uuka aiya.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:24

Lapas aijo' i Samuel notataemo hi aha mian da'isan, “Aiyamo na mian anu pinile'anmo nu Tumpu, madi' ko anu pokakana aiya hi kita iwi-iwi.” Iwi-iwi' na bansa haha aijo' nolobo'akonmo, “Higahiakon mae na i tomundo'!”

1 SAMUEL 10:26

I Saul suele ninsusule'mo ilaigannyo kiijo' mae i Gibea, sinangaluan nu aha to pia-piangkuka na mian anu mahoson ka' baani ka' anu pinokaumo nu Tumpu na kinyonyoa nu aha.

1 SAMUEL 11:4

Sumo aijo' na to mia-mian anu sinai tinoka i Gibea kajojoongan i Saul. Salatan pinotokamo nu aha na lele aijo', ihumangmo na aha mian da'isan kalana madi'mo nu poko ala nu aha.

1 SAMUEL 24:21

Uuka aiya sinumbu'kuje taalu' beleyumo na timbali tomundo' nu Israel ka' timbalimo mahoson na Israel ka' mule' kalaja'an nu Israel sabole-bolemo tataap mahoson de beleyumo na mompalentah.

1 SAMUEL 24:22

Uuka aiya bajanji'mo mae hi belengku da nu sumbu' nu Tumpu na beleyum madi' ahi' mompatei lee'ku ka' madi' ahi' mongkolilimi sanggo nu to utu-utusku!”