2 SAMUEL 21:12 - KITAB NU TUMPU ALLA LELE MA'IMAI'

¹² ia nambamo nongala bukunyo i Saul tiba i Yonatan anu kijo' mae hi aha anu jojoong i kota Yabes i Gilead. (Mian haha ikiijo' nontomangmo buku haha aijo' anu kiijo' i bangka'nyo nu kota' Bet-San, tampat nu aha mian Filistin lewa' ponsegotan ka' pompokalayo'an nu aha to bangke-bangke' salatan pinatundu'mo nu aha na i Saul i bungkutnyo nu Gilboa).

2 SAMUEL 21:12 ပူးပေါင်းရင်းမြစ်များ

2 SAMUEL 1:21

O to bungku-bungkutnyo haha aita' i Gilboa hongo mae na potataengku: Boli ko dondu'ok ka' ujan mohumpisi belemiu! Pojohok da manggas ka' mateges na ale' nu belemiu tiba padang nu belemiu. Kalana kiita'mo mae na pinanintimpasan nu kanta nu mian anu baani hondo. Ka' kanta i Saul mule' ingatakonmo madi'mo ilanya'an.

2 SAMUEL 1:6

Tinaamannyo, “Papatuannyo aitu aku kiita i Bungkutnyo nu Gilboa, lantas nontoamo i Saul naninsehamo i talombo'nyo ka' to kale-kaleta tiba to sulu-suludadu nu sampo bali'nyo anu nonsake'i ajahan nongohanimo kahanda'mo montumbuhi ia.

2 SAMUEL 2:4

Lapas aijo' to mia-mian nu Yehuda nambamo i Hebron ka' nohangkatmo i Daud binau tomundo' nu aha mian Yehuda. Salatan ihongomo i Daud na aha mian nu Yabesh anu kiijo' i Gileat nolamunmo i Saul,

2 SAMUEL 21:11

Salatan pinoto'imo hi Daud apaa na anu binaumo i Rizpa aijo'

2 SAMUEL 21:13

Buku i Saul tiba i Yonatan haha aijo' ingalamo mae ikiijo' lantas suele tinolukanmo na bukunyo nu aha popi-popitu' na mian anu pinokalayo'mo aijo'.

1 TAWARIKH 10:1

Mian nu Filistin nahampatemo nongewa mian nu Israel, aha nahampate i bungkutnyo nu Gilboa. Nanjoo' na mian nu Israel anu sinilaka i kiijo', ka' tuha'nyo tibamo i Tomundo' Saul ka' to ana-anaknyo mo'ane nopalaimo.

1 TAWARIKH 10:12

mian anu toto babaani hondo kiijo' hi aha nambamo nongala bangke' i Saul tiba bangke' nu to ana-anaknyo anu to momo'ane lantas binoamo nu aha i Yabes. I lamunmo nu aha na ia i patu nu sa'angu' na kau' anu daka', lapas aijo' aha binapuasa'mo ingipitun na kinopinnyo.

1 TAWARIKH 10:8

Dodododopnyo salatan aha mian nu Filistin tinokamo kahanda mompahuhuakon apaa na anu daagi' hi to mia-mian anu sinilakamo, sinahakmo nu aha na i Saul tiba anaknyo anu to momo'ane aha totolu' sinilakamo i bungkutnyo nu Gilboa.

YOSUA 17:11

I uno nu da'erah i Isakhar tiba i Asyer aijo' daagi' ko tano' anu i Manasye, aijo'mo: Bet-Sean tiba Yibleam tiba kampu-kampungnyo anu ikiijo'. Ka' suele: Dor (kota anu i sonibi nu ambai), En-Dor, Taanakh, Megido, tiba kampu-kampungnyo anu ikiijo'.

1 SAMUEL 28:4

Sahingga salatan suludadu nu aha Filistin sinihukmo ka' binakemahmo koko kota' Sunem, i Saul suele nomposihukmo aha mian nu Israel ka' binakemahmo i Bungkutnyo nu Gilboa.

1 SAMUEL 31:1

Tempo'nyo aitu hau-haunyomo aha mian nu Filistin nahampatemo nongewa mian nu Israel i bungkutnyo nu Gilboa. Manjoo' hondo na aha mian nu Israel sinilaka ikiijo', lantas i Saul ka' mule' anaknyo anu to momo'ane, nopalaimo.

1 SAMUEL 31:3

Anu talalomo hondo pinoko idek nu sampo bali' aijo'mo sasu hi Saul, sahingga ia binelaonmo kinona nu pana' nu sampo bali' ka' memang tinadokmo hondo.

1 SAMUEL 31:4

Lantas pinoto'inyomo hi olitau nau lewa' momboakon toongonnyo, “Keat na bajak nu beleyum ka' tabas mae na aku, da aku boli nu kabisa'i ka' nu patei nu mian haha aijo' anu madi' monsumbu' Tumpu.” Panyo olitau aijo' madi' mongka'oho' nontabas, kalana talalo hondo nu adati. Kalana aijo' i Saul nongalamo posi bajaknyo ka' pinota'annyo ka'ihampabakonnyomo na butongnyo nokiijo' i bajaknyo.