2 SAMUEL 21:1 - KITAB NU TUMPU ALLA LELE MA'IMAI'

¹ Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

2 SAMUEL 21:1 ပူးပေါင်းရင်းမြစ်များ

KAJADIAN 12:10

Panyo kiijo' i Kana'an hau-haunyo tinokanmo nu kasusa'an i anu okaan anu talalomo hondo sahingga i Abram namba nompaka pajo'onmo mule' nokiijo' i sasu selatan, i lipu' nu Mesir da jojoongmo ikiijo' mae, sampe madi'mo ko kasusa'an aijo'.

KAJADIAN 26:1

I lipu' aijo' po'ule' mule' tinoka na tempo' nu kasusa'an i anu okaan, susumo anu toho'mo jinadi tempo'nyo hi Abraham. I Ishak nangadapmo hi Abimelekh, tomundo nu aha mian nu Filistin anu kiijo' i Gerar, ka' nomoita da opobee' jojoong kiijo' mae.

KAJADIAN 41:57

Lengkat mae i songko-songko na dunia, to mia-mian tinokamo mae i Mesir nongoli gandum hi Yusuf, kalana kasusa'an i anu okaan aijo' totu-totu'u sinusa'mo iyaya mae.

KAJADIAN 42:5

Kalana kasusa'an kaanon i lipu' nu Kana'an, to ana-anak i Yakub tiba suele manjoo' na mian sangga'at tinokamo mongoli gandum i Mesir.

KAJADIAN 43:1

Kasusa'an i anu okaan i Kana'an kino susa-susa'nyomo, ka' salatan aha sa'anakan i Yakub nongingkotimo iwi-iwi' na gandum anu binoa lengkat mae i Mesir, notataemo na i Yakub hi to ana-anaknyo, “Lako'mo mule' mamba mongoli gandum anu okaanto.”

2 SAMUEL 16:8

Kalaja'an i Saul ingagoanmo nu beleyum. Uuka aiya nu hukumo nu Tumpu na beleyum, kalana lewa'mo nompatei sampoto utusan mae i Saul manjoo' hondo. Kalaja'an nu beleyum nu bee'mo nu Tumpu hi Absalom anak nu beleyum. Uuka aiya nompahabindak na beleyum anu lewa'mo nompatei!”

2 SAMUEL 20:26

Imam ilaigan nu tomundo': i Ira anu lengkat mae i kota' Yair.

2 SAMUEL 21:5

Tinaaman nu aha, “I Saul tomundo' anu pinile'anmo nu Tumpu ko kahanda' mompateimo kami iwi-iwi' da kami madi'mo daagi' ko anu otoa hi aha Israel iwi-iwi'.

2 SAMUEL 24:1

Tumpu pinusa mule' hi mian nu Israel, lantas sinale'annyo mule' na i Daud da oposusa' mule' na bansa aijo'. Koonyo nu Tumpu hi ia, “Lekengmo na aha mian nu Israel tiba mian nu Yehuda.”

2 SAMUEL 5:19

I Daud nompokilawamo hi Tumpu, “Pa' ku tumbuhimo na aha mian nu Filistin haha aijo'? Pa' obee'mo mae nu Belento na ka'untungan mahampate hi belengku?” “Tumbuhimo!” na koo-Nyo nu Tumpu. “Ku bee'mo na ka'untungan mahampate hibeleyum!”

2 SAMUEL 5:23

Po ule' mule' pinoita i Daud hi Tumpu pa' mosia na koo-Nyo nu Tumpu. Tinaaman nu TUMPU, “Boli montumbuhi aha lengkat i aiya, panyo lajangmo bangkualilit mae lengkat ihiku nu aha.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:2

Sahingga nambamo na i Elia. Tempo'nyo aitu balaa' kasusa'an i anu o kaan tinalalomo hondo sinusa' kiijo' i Samaria.

2 TOMU-TOMUNDO' 6:25

sahingga anu okaan sinusa'mo i uno nu kota', sadang ubak nu keledai sa'angu' olinyo ualumpulu'mo na doi salaka, ka' ohua' na ons na kotolan nu malapati' olinyo olima' na doi salaka.

2 TOMU-TOMUNDO' 8:1

Daagi' kino sa'angu' na tempo' Tumpu nonpotokamo mae balaa' kasusa'an i anu o kaan i lipu' nu Israel pinopitu' na taun na kinopinnyo. Ma'isa pe'e jinadi na aijo' pinoto'imo i Elisa hi boune anu lengkat mae i Sunem anu koko anaknyo po'ule' pinotumuu'nyo. I Elisa suele nonsaimo ia da molalinmo na aha iwi-iwi' salaigan da mamba i lipu' sangga'at.

AYUB 10:2

O Tumpu Allah, bolimo nupisala'i mae Nu belento na aku; potalangakonmo mae kadaka' aku Nu ewamo mae nu Belento.

MAZMUR 27:8

Belento notataemo, “Tokamo mae monsombah Aku.” Tinaamankumo, “Aku malia-lia'mo mae toka, o Tumpu;

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

NOMBILANGMO 27:21

I Yosua tionyo ahi' mompoita pokinde' hi Imam Eleazar, ka' i Eleazar tionyo ahi' mompokilawa hi beleng-Ku mosia na pongka'oho'-Ku monggunakon Urim ka' Tumim. Tiba jalan anu sumo aijo', na i Eleazar mompotiju' i Yosua ka' hi iwi-iwi' na bansa Israel ka' iwi-iwi' mule' na han anu nu ahopi nu aha.”

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)

YOSUA 9:20

Kita madi'mo timbali mompatei aha kalana kita nojanji'mo; ka' de kita molanggaimo janji' aijo', Tumpu Allah mohukumo kita.

I RUT 1:1

Tempo'nyo naipuan mae ma'isa pe'e Israel kino tomundo'nyo, lipu' nu Kana'an tinokanmo nu balaa' kasusa'an i anu okaan. Tempo'nyo aitu daagi' ko samian na mo'ane sanggonyo i Elimelekh. Ia lengkat mae hi aha mian nu Efrata, ka' kajojoongannyo i Betlehem da'erah nu Yehuda. Kalana tinokamo na tempo'nyo kasusa'an i anu okaan, sahingga ia nambamo i lipu' Moab tiba bengkele'nyo, i Na'omi, tiba anaknyo to momo'ane ua'aha: I Mahlon tiba i Kilyon. Lantas aha jinojoongmo ikiijo' mae. Tempo'nyo aha daagi' kiijo' mae, i Elimelekh sinilakamo.

1 SAMUEL 10:22

Kalana aitu to mia-mian nompokilawamo hi Tumpu, “O Tumpu, ugaat mian utu daagimo ko anu i aiya?” Tinaaman nu Tumpu, “I Saul natisulukmo kaiyong mae i padut i tampat pompo'una'an to paka-pakakas posadiaon.”

1 SAMUEL 23:11

Pa' totu'u na lele anu i hongongkumo aijo'? O Tumpu, Tumpu Allah Israel, de timbali poto'i mae hi belengku.” Tinaaman nu Tumpu, “Ii' i Saul tokamo mae.” Lantas po ule' mule' pinokilawa i Daud, “Pa' mian nu kota' Kehila mombee'mo aku tiba suludadungku hi Saul?” Sahingga tinaamanmo nu Tumpu, “Ii'.”

1 SAMUEL 23:2

Lantas pinokilawanyomo hi Tumpu, “Pa' aku mamba montumbuhi aha mian nu Filistin?” “Ii'” na tinaaman nu Tumpu, “tumbihimo na aha ka' posalamatakon na aha mian nu Kehila.”

1 SAMUEL 23:4

Kalana aijo' i Daud po ule' mule' nompokilawa salaku nomoita pokinde' hi Tumpu, ka' tinaaman nu Tumpu, “Boli bata-bata. Tumbuhimo na kota' Kehila kalana suludadu nu aha mian Filistin haha kiijo' ku bee'mo hi beleyum.”