2 SAMUEL 20:19 - KITAB NU TUMPU ALLA LELE MA'IMAI'

¹⁹ Kota' mami Abel aiya daka', sala'sa'angu' na kota anu madi' lewa' mombau kahengge'an ka' tulu-tulutan hondo aiya i tano' nu Israel. Kadaka' belento Tuan ko tanga'anmo mongidei? Te ko kahanda'mo na belento Tuan mongidei tano' nu Tumpu?”

2 SAMUEL 20:19 ပူးပေါင်းရင်းမြစ်များ

KAJADIAN 18:23

I Abraham nongohanimo Tumpu ka' nompokilawa, “Totu'u kita Tumpu kahanda'mo monsilakai mian anu madi' ko sala'nyo hingga-hinggat tiba mian anu ko sala'nyo?

2 SAMUEL 14:16

Kututugi belento Tuanku mompotombihing mae ka' momposalamatmo mae aku da mian bolimo mae ko tanga'an kahanda' mompatei aku tiba anaku. Aha ko tanga'an molaa'mo kami da opala'imo na tano' anu binee'mo nu Tumpu Allah hi mian anu pinalesayamo hi Ia.

2 SAMUEL 17:16

Koonyo i Husai, “Palia-lia'! Poto'i hi Daud da boli male' i tampat potaapan itina' i kaunyo i padang anu mateges. Ia tionyo ahi' malia-lia' sampa motaap i Kaunyo Yordan. De madi' ia tiba iwi-iwi' na suludadunyo ohopu'imo.”

2 SAMUEL 20:18

Boune aijo' notataemo, “Naipuan mae to mia-mian lewa' montaloakon sumo uuka, 'De beleyum mompalalui pokinde' lako' i kota Abel' — lantas sumo aijo' na nu bau nu aha.

2 SAMUEL 20:20

“Madi' hondo” na koonyo i i Yoab, “aku madi' hondo ko kahanda' mongidei kabai mohansuni kota nu belemiu.

2 SAMUEL 21:3

ka' pinokilawanyo hi aha, “Apaa na anu tionyo ahi' ku bau hi belemiu? Aku ko tanga'an kahanda' montokong kasala'an anu binaumo hi belemiu, da belemiu mombalakati mae mian anu pinalesayamo hi Tumpu.”

1 TOMU-TOMUNDO' 8:53

Belento o Tumpu Allah nompile'imo aha aijo' i bansa sangga'at iwi-iwi' da opotimbali mia anu pinalesayamo hi Belento, susumo anu tinaloakonmo nu Belento hi aha anu pinoto'imo hi Musa posaihon nu Belento aijo', tempo'nyo Belento nolaya' mae mompolee' mami nosabat lengkat mae i Mesir.”

MAZMUR 106:5

O' amalakon da aku montoa kasanangan nu kantumuu'an, nu to mia-mian anu pinile'anmo nu Belento, ka' suele lame' tiba to mia-mian anu ninsoopmo Belento na tumpunyo.

MAZMUR 124:3

sahingga kita ilonyomo titu-tituu', kalana tambuha' nu aha anu taha-tahahumo.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

MAZMUR 78:71

lengkat mae i tampat pinompotu'annyo tinanyo nu domba, da molaya' Israel mian anu palesayamo hi Ia.

YEREMIA 51:34

Yerusalem ihansunanmo ka' kinaanmo ingko-ingkot itomundo' Babel; ia nompilongkangmo kota' aijo' susumo nompilongkangmo boton. Sumomo sa'angu' na binatang anu talenga'nyo hondo, ia nolonyomo Yerusalem ka' nongisimo kompongnyo nu iwi-iwi' na anu ma'ima anu ihumpaknyo ikota' aijo' lantas ingalinnyomo na labinyo.

YEREMIA 51:44

Bel, pilogot nu lipu' Babel Ku hukumo. Ku kakeha'mo na ia da monsule'akon apaa na anu ingagoannyomo. Bansa-bansa madi'mo daagi' monsombah ia. Pagan mesen nu Babel nohobo'mo iwi-iwi'.

MOHAANGI 2:16

Iwi-iwi' na sampobali' nu beleyum montoa ohup nu beleyum ka' mongka'ideki nu kokojoi nu aha na beleyum ka' lewa' motatae nganga' Aha motatae, “Kota' aijo' ihansunanmo mami! Ahennyo tinokamo ahi' na tempo'nyo anu pininmo na lewa' tinanda'an mami!”

MOHAANGI 2:2

Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

MOHAANGI 2:5

Tumpu tinimbalimo susumo sampobali'; Ia nontintipmo Israel sampe nahungku'mo Ia nohansunimo iwi-iwi' na benteng tiba laigan nu tomundo' ka' nompojoongmo mian anu sinilaka hi aha anu jojoong i Yehuda.

NOMBILANGMO 16:32

ka' nolonyomo aha tiba to ana-anak nu aha, tiba iwi-iwi' na anu nonsangaja'imo i Korah tiba iwi-iwi' na halata' nu aha.

NOMBILANGMO 26:10

Lantas tano' nobiha'mo ka' nolonyomo aha sahingga aha i natemo tiba i Korah ka' anu monsangaja'i ia tempo'nyo apu nontoyo'imo 250 na to momo'ane. Han aijo' bau pompo'ingat hi aha bansa Israel.

1 KORINTUS 15:54

De butong anu timbali silaka obolosimo nu butong anu madi' silaka, ka' butong anu lengkat i dunia aiya obolosimo nu butong anu lengkat mae i suluga', tempo'je aitu ka' timbalimo apaa na anu tinulismo i Kitab nu Tumpu, “Kapatean i hungku'anmo; ka'untungan i humpakmo!”

2 KORINTUS 5:4

Kalana hau-haunyo kita jojoong i laigan anu i dunia aiya, kita motusa' kalana o'oa'into maboat hondo. Misa' kalana kita mongka'oho'mo da butongto anu i dunia aiya olapasakontomo, panyo kalana kita mongka'oho'mo mompokona butong anu lengkat mae i suluga' aijo', da butongto anu timbali silaka aiya nukuasai nu anu tumuu'.

PO'ULE' INGULIT 20:10

De belemiu mambamo montumbuhi sa'angu' na kota bee'i pe'e tempo' na mian anu jojoong ikiijo' pa' aha madi' mongewa.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

1 TIMOTIUS 2:2

kona hi to tomu-tomundo ka' kona hi iwi-iwi' mian anu montoongi kakuasa'an. Poita da kantumuu'anto sanang ka' aman na palesaya hi Tumpu i uno nu kalakuan anu pantas.

TO MIA-MIAN KOPIAN 5:7

Iwi-iwi' na kota nu aha Israel madi'mo ko anu jinojoong, i liingmo sahingga belento Debora, tinokamo mae; belento tinoka mae sumomo tina anu okanonongi.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 26:19

O Tomundo' potombihing mae pe'e na potataengku aiya. De belento Tomundo' pinokau nu Tumpu mongewa mae aku yo anu osombahkon na koloban timbali momposabaan kinyonyoa-Nyo da bolimo montambuha'i mae aku. Panyo de anu nompokau belento Tomundo' aijo' manusia, o'amalakon da aha nu kutuki nu Tumpu! Kalana palabuatan nu aha aijo' sahingga aku ilaa'mo da nompala'imo tano' anu nu Tumpu, sahingga nambamo ahi' ilipu' sangga'at sahingga aku nonsombahmo to pilo-pilogot nu aha anu isalipu'an.