2 SAMUEL 20:14 - KITAB NU TUMPU ALLA LELE MA'IMAI'

¹⁴ I Seba noliu-liumo iwi-iwi' na da'erah nu aha tulunan nu bansa Israel, lantas tinokamo i kota' Abel-bet-Maakha sinangaluan mae nu aha iwi-iwi' tulunan i Bikri.

2 SAMUEL 20:14 ပူးပေါင်းရင်းမြစ်များ

2 SAMUEL 20:13

Salatan bangke' aijo' madi'mo ko anu kiijo' i jalan atina'je ka' mian iwi-iwi' ilumajang lau-laus nombatuki i Yoab da mololoi'mo i Seba.

2 SAMUEL 20:15

Suludadu i Yoab nohongomo taalu' i Seba kiijo' lantas tinumbuhanmo nu aha na kota' aijo'. Aha nontambunimo nu tano' i pagan mesen nu kota' anu sasu sambiha'nyo ka' mule' nongkekeimo tano' i aluknyo nu pagan mesen aijo', da ohobo'akonmo.

1 TOMU-TOMUNDO' 15:20

I Benhadad nonsitujuimo sale'nyo aijo', lantas nompalentahmo to sulu-suludadunyo anu matangkas na pangkatnyo ka' mule' gombuan nu suludadu nu aha da mambamo montumbuhi iwi-iwi' na kota nu aha Israel. Aha nompatundu'mo Iyon, Dan, Abel-Bet-Maakha tiba Kinerot koko Dowiwi nu Galilea tiba iwi-iwi' na da'erah Naftali.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TAWARIKH 16:4

I Bengadad setuju i sale' aijo' lantas nonsaimo to sulu-suludadu nyo anu toto tangka-tangkas na pangkatnyo hingga-hinggat tiba suludadu nu aha da mambamo montumbuhi to kota-kota nu Israel. Aha nompatundu'mo kota Iyon, Dan, Abel-Bet-Maakha ka' iwi-iwi' na kota' anu pompo'una'an anu o kaan kiijo' mae i Naftali.

NOMBILANGMO 21:16

Lengkat ikiijo' aha nambamo i tampat anu osanggohi Beer, alati'nyo to bubu-bubung. Ikiijo' Tumpu toho'mo notatae hi Musa, “Palentahkon da mian sihuk mae; Ku bee'imo na aha uee.”

YOSUA 18:25

Ka' suele sampulu' ka' opat na kota aiya tibamo kampu-kampung anu kiijo' i da'erahnyo: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (aijo'mo Yerusalem), Gibea tiba Kiryat-Yearim. Aijo'mo na tano' iwi-iwi' anu binee'mo hi to utu-utus tulunan nu bansa Benyamin da timbalimo anu nu aha.