2 SAMUEL 20:10 - KITAB NU TUMPU ALLA LELE MA'IMAI'

¹⁰ Madi' tinoa i Amasa na bajak aijo' i kewe' i Yoab. Monti-montiik jinalo'mo i Yoab na kompong i Amasa nu bajaknyo, sahingga isi nu kompongnyo nobubusmo i tano'. Ia balomo i nate tempo'nyo aijo' sahingga i Yoab madi'mo po ule' nonjalo'. Lantas i Yoab tiba i Abisai utusnyo ise' sabole-bolemo nololoi' i Seba.

2 SAMUEL 20:10 ပူးပေါင်းရင်းမြစ်များ

KAJADIAN 4:8

Lantas i Kain notataemo hi Habel, utus ise'nyo, “Imbo' da kita mamba i ale'.” Salatan aha tinokamo ikiijo' i Kain nompateimo i Habel utusnyo ise'.

2 SAMUEL 2:23

Salatan i Asael madi' ahi' tinolo tinjo panyo sabole-bole ahi' nololoi' binunu'akonmo i Abner na talombo'nyo no kaiyong ka' kinonamo i kompong i Asael sahingga talombo' aijo' ilampasan tinoka-toka ihikunyo. I Asael tinombahangkangmo ka' sinilakamo itampat aijo'. Iwi-iwi' na mian salatan tinokamo itampat kinatombahangkangannyo madi'mo nololoi'.

2 SAMUEL 20:9

I Yoab notataemo hi Amasa, “Mosiamo na lele sangalu?” ka' tinoongannyomo na jangkut i Amasa nu koanannyo, sinangka i Amasa na i Yoab mongookimo ia.

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

1 TAWARIKH 12:2

Aha mian tulunan nu bansa Benyamin susumo i Saul. Aha to pande-pande na mompana' ka' mombunu'akon batu nu salambeta – maumo pa' koanan kabai kowi.

YEREMIA 41:2

i Ismael tiba aha sampulu' aijo' nongkeatmo bajak nu aha ka' nompateimo i Gedalya, gubernur anu ihangkat nu aha mian nu Babel.

NOMBILANGMO 35:20

De ihe na mian mongka'ideki mian sangga'at, lantas pinobahangkangnyomo ka' pinateannyo na ia kabai binunu'nyo nu apa-apaa,

TO MIA-MIAN KOPIAN 3:15

Panyo salatan aha mian nu Israel nomoitamo tulung hi Tumpu Ia nombee'mo i Ehud da mompobebas aha. I Ehud mian anu kewe'; ia anak i Gera tulunan mae nu bansa Benyamin, ka' iamo na saja' momboa hi Tomundo Eglon hasin anu tionyo ahi' o bayan nu mian Israel.

TO MIA-MIAN KOPIAN 3:21

Balomo i Ehud nongkeat bajaknyo nu limanyo kewe' anu i lampeokannyo koanan, lantas tinobok nyomo na kompong i tomundo. Pinupus na mata nu bajak aijo' ninsoop tinoka-toka i pulunyo nokiijo' i lompo' nu kompongnyo i tomundo aijo' lau-laus i lampasan i hikunyo Pinojohokmo i Ehud na bajaknyo aijo' ikiijo'.

1 SAMUEL 26:8

Lantas notataemo na i Abisai hi Daud, “Tumpu Allah nombee'mo sampo bali' nu belento hi belento pihi aiya. Pobee' mae na aku da ku popasokmo na talombo'nyo aitu hi butongnyo lampasan toka-toka i tano', ku pateimo na ia ola minsan na aku monjalo'akon, madi' pilenje pinduan!”