2 SAMUEL 20:1 - KITAB NU TUMPU ALLA LELE MA'IMAI'

¹ I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

2 SAMUEL 20:1 ပူးပေါင်းရင်းမြစ်များ

KAJADIAN 46:21

I Benyamin to ana-anaknyo: I Bela, i Bekher, i Asybel, i Gera, i Naaman, i Ehi, i Ros, i Mupim, i Hupim ka' i Ared.

2 SAMUEL 15:10

Panyo ma'isa pe'e ia namba sinainyomo na to mia-mian namba hi iwi-iwi' na tulunan nu bansa Israel da mompotokakon potuunon, “De ohongomo nu belemiu na onyi' nu tolompet, loboo'akonmo taalu' i Absalom binaumo tomundo' kiijo' i Hebron!’ ”

2 SAMUEL 16:11

Lantas i Daud po ule' mule' notatae hi Abisai ka' hi iwi-iwi' na posaihonnyo, “Posi anaku pe'e ko gia'mo mompatei aku; yo kadaka' na belemiu na ko banga-bangangmo na montoa mian nu Benyamin aiya? Tantu Tumpu na nompokau mae ia montotobi'akon aku; kalana aijo' boli opoposia na ia ka' pojohokmo na ia montotobi'akon mae aku.

2 SAMUEL 16:7

I Simei nontotobi'akon nu potatae sumo uuka, “Tula' lamba! Anu lewa' mompatei! Anu lewa' mombau anu ma'idek.

2 SAMUEL 18:17

Lapas aijo' bangke i Absalom ihangkatmo ka' tinuamo i uno nu bubung anu maleeng kiijo' i alas. Bubung aijo' tinabuhanmo nu aha nu batu sampe na bungkut. Iwi-iwi' na gombuan nu suludadu nu aha Israel nopalaimo namba ilaigan nu aha toto samian.

2 SAMUEL 20:2

Sahingga nambamo na aha mian nu Israel haha aijo', nompala'imo i Daud ka' nombatukimo i Seba. Panyo to mia-mian nu Yehuda na tataap ahi' montuluti ka' monsangalui i Daud lengkat pe'e mae i Kaunyo nu Yordan tinoka-toka i Yerusalem.

2 SAMUEL 20:22

Lantas nambamo na ia ka' tiba kapandeannyo aijo' pinotokanyomo na tanga'annyo aijo' hi aha mian nu kota aijo'. Lapas aijo' ubak i Seba pinolomo nu aha ka' ilumbu'akonnyo nu aha nokiijo' hi Yoab. Jadi pinuuhanmo i Yoab na tolompetnyo sahingga suludadunyo nompala'imo kota aijo' lantas ninsusule'mo ilaigan nu aha toto samian. I Yoab suele ninsusule'mo i Yerusalem nangadap hi tomundo'.

2 SAMUEL 23:6

Panyo mian anu madi' montuluti palentah nu Tumpu sumomo hii' anu ingalinmo Lima nu mian madi' moko ala montoongi ia;

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

2 TAWARIKH 10:16

Salatan mian da'isan aha Israel nontoamo taalu' i tomundo madi' mongka'oho' mohongo-hongo aha, i loboo'akonnyomo nu aha daka-daka', “Bau apaa na kita mompajuli i Daud ka' lee'nyo: Aha madi' toho' nombau apa-apaa anu mingguna hi kita. Mian da'isan Israel, imbo' na kita paha pinsusule'mo! Pojohok na i Rehabeam mosi ulus butongnyo aijo'!” Sahingga ninsusule'mo na mian da'isan aha Israel,

2 TAWARIKH 10:6

Lantas i Rehabeam nompoitamo pokinde' hi to tu'a-tu'anyo anu toho'mo saja' nompokinde'i i Salomo tuuma i Rehabeam. “Mosia na bau pontaamingku mian haha aijo'?” na koonyo i Rehabeam. “Mosia na pokinde' miu?”

MAZMUR 17:13

Tinjomo mae, o Tumpu, ewakonmo na sampobali'ku ka' patundu'mo na aha. Posalamatakon mae na aku nu bajak nu Belento, de aku nulambanimo mae nu mian anu ma'idek na kinyonyoanyo.

MAZMUR 34:19

Tumpu ohani hi mian anu kinesewamo; ka' momposalamat mian anu madi'mo ko sumangatnyo.

AMSAL 25:8

Boli kosia-sia' na momboa palakala i mian kopian; kalana, de imihinyo mae beleyum memang sala' apaa mule' na daagi nu bau?

AMSAL 26:21

Sumomo buhing tiba kau' mombau apu tataap moak; sumo aitumo na mian anu mongka'ima'i painggagan momposida ka'ada'an.

MARKUS 3:24

“De sa'angu' na negara mombagi-bagi i uno nu posa'angu'an ka' mompaha idek, negara aijo' madi' moko tahan.

LUKAS 19:14

Panyo tumpu nu lipu' aijo' mongka'ideki ia. Jadi, salatan ia i nambamo, aha nonsaimo bobotokon da mompoto'i, ‘Kami madi' mongka'oho' mian aiya timbali tomundo mami.’

LUKAS 19:27

Ka' uuka boamo mae na sampo bali'ku haha atina' anu madi' mongka'oho' aku timbali tomundo'nyo. Pateimo na aha iwi-iwi' aiya i ahopku!’ ”

YOHANES 13:8

“Boli, Tumpu,” na koonyo i Petrus hi Yesus, “Boli hondo-hondo kita Tumpu mombaso'i tengkengku!” Panyo i Yesus nontaami, “De Aku madi' mombaso'i beleyum, beleyum madi' mompahasumbu' tiba Aku.”

PO'ULE' INGULIT 13:13

daagi' ko to pia-piangkuka na mian anu ma'idek itina' i bansa nu belemiu anu nonsaduakonmo da pinonga' na mian nu kota binapikin sahingga nonsombahmo to pilo-pilogot anu madi' osumbu' nu belemiu.

TO MIA-MIAN KOPIAN 19:22

Hau-haunyo aha kiijo' balasanang-sanang, monti-montiik laigan aijo' tinumbuhanmo nu aha to mia-mian anu madi' talakana' i kota aijo'. I lengku-lengkutmo nu aha na tumban ka' notatae hi tu'anyo aijo', “Bee' mae hi kami na mo'ane itina' anu pinosoopmo nu beleyum i laigannum da opasala'i mami na ia!”

TO MIA-MIAN KOPIAN 3:27

Lia-lia' salatan tinokamo i bungkutnyo nu Efraim, ia nompuhimo tolompet bau polaga mian nu Israel da mambamo mahampate. Aha tinokamo lantas i laya'nyomo na aha nokaiyong lengkat mae i da'erah nu bungkutnyo aijo':

I RUT 2:3

Jadi nambamo na i Rut i ale' ka' nontoluki gandum nompayuntun to mia-mian anu mompadak. Pinopatunyo tempo'nyo aijo' ia nambamo hi ale' i Boas.

1 SAMUEL 13:2

ia nompile'imo aha 3.000 na mian nu Israel; 2.000 na mian anu jinojoong tiba ia kiijo' i Mikhmas tiba i daerah nu bungkutnyo Betel, panyo anu aha 1.000 na mian namba tiba i Yonatan anaknyo anu momo'ane kiijo' mae i Gibea daerah tulunan nu aha bansa Benyamin. Labinyo sangga'at na mian da'isan sinaimo da minsusule'mo i laigan nu aha toto samian.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.

1 SAMUEL 30:22

Panyo aha to sulu-suludadu i Daud anu namba hingga-hinggat tiba ia, daagi ko anu ma'idek na kinyonyoanyo ka' mule' pangalu'. Aha notatae, “Mian haha aiya madi' namba nombatuki; jadi aha madi' ko hak mohumpak apa-apaana balang anu pinahuhuakon mae aijo'. Aha ola timbali mongala bengkele' tiba to ana-anak nu aha, lapas aijo' mambamo.”