2 SAMUEL 2:26 - KITAB NU TUMPU ALLA LELE MA'IMAI'

²⁶ I bungkutnyo aijo' iloboo'akonmo i Abner nokiijo' hi Yoab, “Pa' sabole-bole ahi' kita saja'mo mahampate? Madi' nu sumbu' na mahampate susumo aiya, misa' ola ahi' mompodaagi' kasusa'an? Kami aiya to utu-utus nu beleyum sa'a-sa'angu'mo na bansanto. Hipianje na beleyum mompalentah suludadu nu beleyum da madi'mo mololoi' mae kami?”

2 SAMUEL 2:26 ပူးပေါင်းရင်းမြစ်များ

2 SAMUEL 11:25

I Daud notataemo, hi mian anu sinai aijo', “Opobaani na kinyonyoa i Yoab ka' opoto'i hi ia da boli hente na kinyonyoa kalana madi' opokoala osumbu' ihe na silaka i uno nu pahampatean. Poto'i hi ia da lebe opokopiani na mahampate ka' lebe makolit mule' na montumbuhi kota' aijo' sahingga kota' aijo' timbalimo opoko ala opatundu'.”

2 SAMUEL 2:14

Lantas notataemo na i Abner nokiijo' hi Yoab, “Mosia da suludadunto opokaumo da bakutanding!” Tinaaman i Yoab, “Timbali.”

2 SAMUEL 2:16

Aha toto samian nompaha totoongimo bulu nu ubak nu samian ka' nompaha jalo-jalo'mo kompong nu samian, sahingga sinilakamo na aha hingga-hinggat. Mokonyo aijo' tampat kiijo' i Gibeon sinanggohanmo “Ale' nu Bajak”.

2 SAMUEL 2:25

Ikiijo' mae aha mian tulunan nu bansa Benyamin suele nosa'angu'mo hi Abner lantas nongatun suludadu da sinihukmo i bawo nu sa'angu' na bungkutnyo.

2 SAMUEL 2:27

Tinaaman i Yoab, “Ko Tumpu Allah anu tumuu' na bau sakisi de beleyum madi' notatae mae tantu suludadungku sabole-bole ahi' mololoi' belemiu, sampe toka dodop subu.”

MAZMUR 4:2

O Tumpu, Belentomo na anu montinjohi mae aku; taami mae de aku momoitamo tulung. De aku susa'mo, Belentomo na montulungi aku; uuka aiya kalibosiakon mae na aku ka' potombihingakon mae na do'angku.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 4:21

Sampe toka hipian na aku tionyo monsakisi mian mahampate taha-tahahumo? Sampe toka hipian na tionyo aku mohongo onyi' nu tolompet anu talalomo na onyi'nyo?

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEREMIA 46:14

O “Yeremia bebakon na lele aiya isongko-songko na kota' Mesir, aijo'mo i Memfis, i Migdol, tiba i Tahpanhes, ‘Posadiamo ka' tinjohakon ahi' kalana iwi-iwi' na anu nu belemiu ohansunimo i uno nu pahampatean!

HOSEA 11:6

Pahampatean mompaka sidamo sampe toka-toka i uno nu kota' nu aha iwi-iwi', Tumban nu sabatan daka' o ideimo ka' mian-Ku anu palesayamo ohopu'imo. Aijo' jadimo saidi' mae kalana aha nosi baumo posi pongka oho' nu aha,

SISIKON NU TO RASUL-RASUL 7:26

Dodododopnyo ia nontoa mule' ua'aha na mian nu Israel mahantuda', lantas ia binala usaha nompodame aha. Ia notatae, ‘Komiu aiya moto utus. Kadaka' komiu mahantuda'?’