2 SAMUEL 2:12 - KITAB NU TUMPU ALLA LELE MA'IMAI'

¹² Daagi kino sansinaan i Abner lengkat mae i Mahanaim namba nokiijo' i kota Gibeon, sinangaluan nu suludadu i Isyboset.

2 SAMUEL 2:12 ပူးပေါင်းရင်းမြစ်များ

KAJADIAN 32:2

Salatan tinoamo i Yakub na aha ia notataemo, “Aiyamo na pinombauan kemah nu Tumpu Allah,” kalana aijo' sinanggohannyomo na tampat aijo' Mahanaim.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 2:8

Talenga' nu suludadu i Saul anu mongkapalai suludadu iwi-iwi' aijo'mo i Abner anak i Ner, nopalaimo tiba i Isyboset anak i Saul, nambamo i Mahanaim i santoa nu Kaunyo Yordan.

YOSUA 10:12

I sinaa aijo' salatan Tumpu nombee'imo ka'untungan nahampate hi aha mian nu Israel nongewa aha mian nu Amori, i Yosua notataemo hi Tumpu. Ka' i ahop nu aha mian nu Israel, i Yosua notataemo, “O batu nu sinaa! Sainjoongmo aita' i buan nu Gibeon. Ka' beleyum bituon! Bolimo molalin mompala'i Bangka'nyo nu Ayalon.”

YOSUA 10:2

Mian anu jojoong i Yerusalem nabuhukmo hondo, kalana Gibeon sa'angu' na kota anu daka'; kodaka'nyo pokakanamo susumo kota-kota anu ko tomundo'nyo ka' lebe daka' molingkudui Ai. To mia-miannyo mule' manjoo na suludadunyo anu pande na mahampate.

YOSUA 10:4

“Mamba mae montulungi aku montumbuhimo Gibeon, kalana aha to mia-miannyo nombaumo palajanjian da mobela'mo tiba i Yosua ka' aha mian nu Israel.”

YOSUA 18:25

Ka' suele sampulu' ka' opat na kota aiya tibamo kampu-kampung anu kiijo' i da'erahnyo: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (aijo'mo Yerusalem), Gibea tiba Kiryat-Yearim. Aijo'mo na tano' iwi-iwi' anu binee'mo hi to utu-utus tulunan nu bansa Benyamin da timbalimo anu nu aha.

YOSUA 9:3

Panyo aha mian nu Gibeon anu nolengkat mae i bansa Hewi nohongomo apaa na anu binaumo i Yosua kiijo' mae i Yerikho tiba Ai.

1 SAMUEL 17:9

Baku tanding na mahampate saidi', de aku na mate, kami na tulut bau posaihon nu belemiu, panyo de aku na untung mompatei ia, belemiu na timbali posaihon mami.