2 SAMUEL 19:43 - KITAB NU TUMPU ALLA LELE MA'IMAI'

⁴³ Tinaaman nu aha mian Israel, “Hak mami hi tomundo' lebe daka' pinsampulu' lipat molingkudui hak nu belemiu maumo ahi' i tomundo' daagi julu miu mae. Kadaka' belemiu montemo mae kami? Boli okolilimi, saba' kamimo ahi' na momona hondo nonsale'i da mambamo po ule' o'ala mae na i tomundo'!” Panyo aha mian nu Yehuda na lebe baani na monggagakon sahingga ihungku'an nuaha na mian nu Israel, ka' madi' nongka'oho' tinundu'.

2 SAMUEL 19:43 ပူးပေါင်းရင်းမြစ်များ

2 SAMUEL 19:14

Sumo aijo' na i Daud nongala kinyonyoa nu aha iwi-iwi' mian nu Yehuda sahingga aha nompotuunmo i tomundo' da minsusule'mo mae ilaigan nu tomundo' hingga-hinggat tiba iwi-iwi' mian anu ko pangkatnyo.

2 SAMUEL 19:9

Aha iwi-iwi' na tulunan nu bansa Israel pinainggagamo. Koonyo nu aha “I Tomundo' Daud nompotumuu'mo kita da madi' pinatean nu aha Filistin ka' madi'mo pinoposia nu sampo bali' sangga'at panyo uuka aiya ia nopalaimo da madi'mo nu poposia i Absalom ka' nompala'imo lipu' aiya.

2 SAMUEL 20:1

I kota' Gilgal daagi ko samian anu nombaumo gau' anu ma'idek sanggonyo i Seba. Ia anak i Bikri, ia tulunan mae nu bansa Benyamin. Tempo'nyo mian da'isan nolabot i Daud po ule'mo mae tinoka, i Seba nompuuhimo tolompetnyo ka' noloboo'akon, “Kita madi' mompahasumbu' tiba i Daud. Kadaka' kita mombatukimo ia? O, mian nu Israel, pinahasan na kita pinsusule'mo!”

2 SAMUEL 20:6

Sahingga notataemo na i tomundo' hi Abisai, “I Seba aijo' lebemo monsusa'i mae kita molingkuduimo i Absalom. Kalana aijo' boa na suludadungku ka' loloi' na ia, da boli sampe nu kuasai na to kota-kota' anu ko bentengnyo ka' mopalaimo mompala'i kita.”

2 SAMUEL 5:1

Lantas tinokamo na to pola-polaya' tulunan nu aha bansa Israel hi Daud kiijo' i Hebron ka' nompoto'i hi ia, “Kami aiya daagi mae julu nu belento Tomundo'.

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

AMSAL 13:10

Takabun ola monsaduakon painggagan panyo mian anu pande mongka'oho' montalima pangajalan.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

AMSAL 18:19

Utus anu ingideanmo na kinyonyoa lebemo susa' na mongohani molingkuduimo kota anu mahoson; painggagan sumomo ponsupati tumban daka' nu kota' anu ko bentengnyo.

ROMA 12:21

Boli mompojohok butongum nuhungku'i nu anu ma'idek, panyo kita Utus na tionyo mohungku'i ka'idekan nu ka'ima'an.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

FILIPI 2:3

Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu.

YAKOBUS 1:20

Mian anu motambuha' madi' moko ala mombau anu ma'ima', anu momposanang kinyonyoa nu Tumpu.

TO MIA-MIAN KOPIAN 8:1

Mian nu Efraim notataemo hi Gideon, “Kadaka' kami madi' ingende tempo'nyo belento namba nahampate nongewa aha mian nu Midian? Apaa na sababnyo binaumo nu belento na kami sumo aijo'?” Sumo aijo' na aha nosonsonmo hi Gideon.

TO MIA-MIAN KOPIAN 9:23

Lantas Tumpu nompotimbalimo da nahantuda' na i Abimelekh tiba aha mian nu Sikhem sahingga aha madi'mo nohongo-hongo Ia.