2 SAMUEL 19:4 - KITAB NU TUMPU ALLA LELE MA'IMAI'

⁴ I Tomundo' nongkukubimo ohupnyo ka' lewa'mo nolotando'. “O anaku! Anaku Absalom! Absalom anaku!”

2 SAMUEL 19:4 ပူးပေါင်းရင်းမြစ်များ

2 SAMUEL 14:1

Sinumbu'mo i Yoab na i Tomundo' Daud talalomo hondo lewa' monginau' ka' nolibosmo hi Absalom,

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

2 SAMUEL 19:3

Aha ninsusule'mo hoko-hokot i kota' salaku suludadu anu na'ambangmo kalana nopalaimo maelengkat kiijo' mae nahampate.

2 SAMUEL 19:5

I Yoab nambamo nangadap hi tomundo' ka' nompoto'i, “Sinaa aiya belento Tomundo' nongambangimo suludadu nu belento Tomundo' padahan ahamo na nompotuu' nyawa nu belento Tomundo', nyawa nu to ana-anak mo'ane ka' to bou-boune nu belento Tomundo', bengkele' tiba ambahue' nu belento Tomundo'.