2 SAMUEL 19:37 - KITAB NU TUMPU ALLA LELE MA'IMAI'

³⁷ Lapas aijo' aku minsusule'mo ilaiganku, ka' silakamo kiijo' koko tampat pinolamunan tuumangku, panyo aiya na anakku i Kimham. Pobee' da iamo na monsangalui belento Tomundo' ka' baumo pa' apaa na anu otoa nu belento Tomundo' ma'ima' hi ia.”

2 SAMUEL 19:37 ပူးပေါင်းရင်းမြစ်များ

KAJADIAN 47:30

Pongka'oho'ku da aku olamun i tampat nu mompolee'ku; boa na bangke'ku lengkat i lipu' aiya ka' lamun i pinolamunan aha.” Lantas tinaamanmo i Yusuf, “Tionyo ahi' ku bau apaa na anu pinoto'imo nu belento uuma atina'.”

KAJADIAN 48:21

Lantas notataemo na i Yakub hi Yusuf, “Sumo anu tinoamo nu beleyum, ukunku silaka malia'mo, panyo Tumpu Allah na montulungi belemiu ka' momboa belemiu minsusule' i lipu' nu mompolee' nu belemiu.

KAJADIAN 50:13

Aha nomboamo bangke'nyo nokiijo' i Kana'an ka' nolamunmo i Liang Makhpela, i sasu kabete'an Mamre, i ale' anu ingolimo i Abraham hi Efron mian nu Het aijo' da bau polamunan.

2 SAMUEL 19:36

Madi'mo pantas na aku mohumpak tambo anu sumo itina' na ko daka'nyo. Aku ola monsangalui belento Tomundo' to pia-pialangkas lengkat aijo' i santoa nu Kaunyo Yordan.

2 SAMUEL 19:38

Tinaaman i Tomundo', “I Kimham ku boamo ka' ku ulusje susumo anu nu kahanda'i nu beleyum ka' iwi-iwi' apaa na anu pinoitamo nu beleyum itina' hi belengku ku podaagije.”

2 SAMUEL 19:40

Iwi-iwi' na gombuan nu suludadu nu aha Yehuda ka' suele sambagian na suludadu nu aha Israel nonsangaluimo i tomundo' notaap i kaunyo. Lapas aijo' i tomundo' nambamo lau-laus i Gilgal ka' suele i Kimham nombatukimo ia.

1 TOMU-TOMUNDO' 13:22

Belento ninsusule'mo mae ka' nongkaanmo ka' nonginum, padahan Belento tinewa'mo na mombau han aijo'. Kalana aijo' Belento opateimo, ka' bangke' nu Belento madi'mo olamun i tampat polamunan nu Belento sa'anakan.”

1 TOMU-TOMUNDO' 2:7

Panyo' to anak-anak mo'ane i Barzilai lengkat mae i Gilead boli opoposia nu beleyum. Anu nupalalui sansina-sinaa tionyo ahi' nu posadiakon, kalana aha nanonongmo mae hi belengku tempo'nyo aku nalaimo nompala'i utus tu'a nu beleyum, i Absalom.

YEREMIA 41:17

Aha iwi-iwi' nabuhukmo hi mian nu Babel kalana i Ismael nompateimo i Gedalya anu ihangkatmo nu tomundo' Babel binau gubernur ilipu' aijo'. Jadi aha nopalaimo namba i Mesir. Hau-haunyo aha ilumajang tinokamo ilotonga'nyomo nu kojo'onnyo nu kalambanan aha sinonso'mo binelenti i Kimham madi'mo majo'on i Betlehem.

2 TIMOTIUS 4:6

Mongkona butongku, tinokamo na tempo'nyo aku silakamo salaku bau koloban hi Tumpu. Madi'mo pin aku mompala'imo dunia aiya.

YOSUA 23:14

Uuka aiya tempo'nyomo na aku silakamo. Belemiu iwi-iwi' toto samian nonsumbu'mo hondo Tumpu Allah nu belemiu anu nombee'mo hi belemiu iwi-iwi' na anu ma'ima' apaa na anu jinanji'-Nyomo. Batu-batu anu toho'mo jinanji'-Nyo binau-Nyomo madi' ko anu madi' binau-Nyo.

2 PETRUS 1:14

Kalana kusumbu', saba' madi'mo daagi' pin aku mompala'imo dunia aiya, kalana Tumpunto i Yesus Kristus nompoto'imo mana-manasa hi belengku.