2 SAMUEL 19:31 - KITAB NU TUMPU ALLA LELE MA'IMAI'

³¹ I Barzilai mian nu Gilead aijo' suele tinokamo lengkat mae i Rogelim da monsangalui i tomundo' motaap i Kaunyo nu Yordan,

2 SAMUEL 19:31 ပူးပေါင်းရင်းမြစ်များ

2 SAMUEL 19:30

Lantas tinaamanmo i Mefiboset, “Sahanyo i Zibamo na mongala iwi-iwi'. Aku sinanangmo kalana belento Tomundo' ninsusule'mo mae ma'i-ma'ima' madi' ko anu nompoposia mae.”

1 TOMU-TOMUNDO' 2:7

Panyo' to anak-anak mo'ane i Barzilai lengkat mae i Gilead boli opoposia nu beleyum. Anu nupalalui sansina-sinaa tionyo ahi' nu posadiakon, kalana aha nanonongmo mae hi belengku tempo'nyo aku nalaimo nompala'i utus tu'a nu beleyum, i Absalom.

EZRA 2:61

Pa' sangkuka na aha sa'anakan mae nu to ima-imam suele madi'mo nohumpak tulisan anu montutuhakon lee' mae nu aha, aijo'mo aha sa'anakan mae i Habaya, i Hakos tiba i Barzilai. (Mompolee' mae nu aha sa'anakan i Barzilai no'osoa tiba samian na boune lee' mae nu aha sa'anakan i Barzilai mian nu Gilead, panyo imihinyo mae ia nongalamo sanggo nu aha sa'anakan mae nu moniannyo). Kalana aha madi'mo nonsumbu-sumbu' montutuhakon pa' ihe ahi' na mompolee' nu aha, sahingga aha madi' timbali ohangkat bau imam.

NEHEMIA 7:63

Ka' mule' suele pa' aha sangkuka na aha sa'anakan mae nu to ima-imam madi'mo nohumpak tulisan anu monsisikakon mompolee' mae nu aha. Aha sa'anakan mae haha aijo' aijo'mo, i Habaya, i Hakos tiba i Barzilai. (Mian mompolee' mae nu aha sa'anakan mae i Barzilai anu no'osoa tiba boune lee' mae nu aha sa'anakan i Barzilai anu kiijo' mae i Gilead ka' lantas aijo' ia nompakemo sanggo nu lee' mae nu aha sa'anakan nu moniannyo). Kalana aha madi' noko ala nonsisikakon totu-totu'u pa' ihe na mompolee' mae nu aha sahingga aha madi' otalima na bau imam.