2 SAMUEL 19:22 - KITAB NU TUMPU ALLA LELE MA'IMAI'

²² Panyo i Daud notatae i Abisai, ka' hi Yoab utusnyo tu'a, “Boli mae monggalo'i pikilanku. Kadaka' belemiu momposusa'mo mae aku? Sinaa aiya aku po ule'mo binau tomundo' nu aha Israel ka' madi'mo timbali ko mian nu Israel anu ohukum mate.”

2 SAMUEL 19:22 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

2 SAMUEL 16:9

I Abisai utus ise' i Yoab anak i Zeruya, notataemo hi tomundo', “Kadaka' opojohokmo nu belento Tomundo' na mian anu nambamo mae nontotobi'akon belento Tomundo'? Pobee'mo mae da lako'mo ku tekok na gogohongnyo!”

2 SAMUEL 3:39

Maumo aku aiya tomundo' anu pinile'anmo nu Tumpu Allah, panyo uuka aiya ku oa'i madi'mo ko kahosonan. To ana-anak i Zeruya haha aijo' talalo hondo buhingison. Madi'mo ku poko ala na mompalentah aha. O'amalakon da Tumpu mohukum mian anu toto ide-idek na kinyonyoanyo pokakana tiba apaa na anu lewa'mo binau nu aha!”

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

1 SAMUEL 11:13

Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

1 SAMUEL 26:8

Lantas notataemo na i Abisai hi Daud, “Tumpu Allah nombee'mo sampo bali' nu belento hi belento pihi aiya. Pobee' mae na aku da ku popasokmo na talombo'nyo aitu hi butongnyo lampasan toka-toka i tano', ku pateimo na ia ola minsan na aku monjalo'akon, madi' pilenje pinduan!”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.