2 SAMUEL 19:13 - KITAB NU TUMPU ALLA LELE MA'IMAI'

¹³ Ka' mule' i Daud nompokaumo aha da mompoto'i hi Amasa sumo uuka, “Temisa' beleyum suele julungku mae ahi'? Uuka aiya beleyum ku hangkatmo bau talenga' nu suludadungku pombolosi i Yoab. Tumpu Allah na monsilakai mae aku de madi' ku totu'ui na anu tinaloakonkumo aiya!”

2 SAMUEL 19:13 ပူးပေါင်းရင်းမြစ်များ

KAJADIAN 29:14

i Laban notataemo, “Memang totu'umo, beleyum julu anu daagi' ohani mae tiba aku.” I Yakub jinojoong i laigan aijo' sina'angu' na bitu'on.

2 SAMUEL 17:25

I Absalom nohangkatmo i Amasa da mongkapalai suludadu bau pombolosi i Yoab. I Amasa anak i Yitra mian nu aha Ismael: tinanyo i Abigail anak i Nahas, utus boune i Seruya tina i Yoab).

2 SAMUEL 18:11

Tinaaman i Yoab, “Mosia? Tinoa nu beleyum na ia? Kadaka' madi' sampa pinatean nu beleyum na ia? Saba' binee'anku sampulu' na doi salaka ka' sa'angu' na pombutu' de pinateanmo nu beleyum.”

2 SAMUEL 20:4

I tomundo' nompalentahmo i Amasa, “Paha posihuk mae na aha mian nu Yehuda ka' mambamo mae tiba aha ku tempo'i ola tolunsinaa.”

2 SAMUEL 3:27

Salatan i Abner tinokamo kiijo' i Hebron koko sabatan daka' nu kota' sinalo'anmo i Yoab na ia da mo uuka mae i sohipi'nyo au'aitu daagi ko lahasia anu opohowini. Monti-montiik jinalo'mo i Yoab na kompong i Abner sahingga ia sinilakamo. Sumo aijo' na i Abner pinatean i Yoab bau pinombalosakonnyo utusnyo ise' i Asael anu pipinatean i Abner.

2 SAMUEL 5:1

Lantas tinokamo na to pola-polaya' tulunan nu aha bansa Israel hi Daud kiijo' i Hebron ka' nompoto'i hi ia, “Kami aiya daagi mae julu nu belento Tomundo'.

2 SAMUEL 8:16

Aiya na to mia-mian anu ko pangkatnyo matangkas anu ihangkat i Daud: Talenga' nu suludadu: i Yoab anak i Zeruya; Julutulis nu anu mokalaja i laigan nu tomundo' i Yosafat anak i Ahilud; To ima-imam: i Zadok anak i Ahitub, ka' i Ahimelekh anak i Abyatar; Julutulis nu kalajaan: i Seraya.

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

I RUT 1:17

Pa' iya mae na kasilakan nu belento Tinangku ikiijo' suele na kasilakanku ka' polamunan aku. Nu hukum nu Tumpu hondo-hondo na aku, de aku mongka'oho' mompala'i belento Tinangku, beilako' silakamo yo moga'atmo na kita!”