2 SAMUEL 18:9 - KITAB NU TUMPU ALLA LELE MA'IMAI'

⁹ Tempo'nyo i Absalom nonsake'i bagalnyo monti-montiik ia siningkabotmo suludadu i Daud. Bagal aijo' notulu i patu nu kau' anu daka' ka' heede' sahingga tinosagamo na ubak i Absalom i panga'nyo. Bagalnyo sinapopopadeka'nyomo panyo i Absalom tinongkalayo'mo ikiijo'.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

Posaihon haha aijo' nombaumo apaa na anu pinalentahkonmo i Absalom, lantas pinateanmo nu aha na i Amnon. Nontoa han aijo' to ana-anak i Daud anu to momo'ane sinumake'mo i bagal nu aha to samian ka' nopalaimo.

2 SAMUEL 14:26

Ubaknyo hambokon hondo ka'ia monggunting sataun minsan, kalana nu oa'i maboatmo hondo. Ubak anu nu guntingakon koboatnyo madi' ola ohua' na kilogram de otimbang nu timbangan nu tomundo'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 SAMUEL 18:10

Samian na suludadu i Daud nontoa ia lantas pinoto'inyomo hi Yoab, “O Tuan, u'uka tinoangku na i Absalom tinongkalayo'mo i batang nu kau' anu daka'.”

2 SAMUEL 18:14

“Angganmo! Madi'mo ko tempo, ola kalana moto-moto taaman tiba beleyum,” na koonyo i Yoab. Lantas i Yoab nongalamo totolu' na talombo' ka' binunu'akonnyomo hi saha'an i Absalom anu tempo'nyo aitu daagi tutuu' aijo' kala-kalayo' i kau'.

2 SAMUEL 18:8

Nahampate tempo'nyo aitu nompaka lambanimo iwi-iwi' na da'erah aijo' ka' mule' lebe manjoo' na mian sinilaka kalana kinadang nu panga' nu kau' kiijo' i uno nu alas, sahanyo anu sinilaka nahampate na madi' nanjoo'.

AYUB 31:3

Balaa' ka' kalugi'an tionyo ahi' Nupotokamo mae hi mian anu nombaumo kalakuan anu ma'idek!

AMSAL 20:20

Mian anu montotobi'akon tu'anyonyo, kantumuu'annyo madi'tuusan, sumomo sulu' anu mompoho' mo i pihi anu pinikatmo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YEREMIA 48:44

Mian anu mompalaimo da madi' ko kasilaka'an manabu'mo i bolo' ka' anu moko ala mingkemuat mae i bolo' nu konamo ahi' nu so'o. Iwi-iwi' aijo' jadimo ahi' de tokamo itempo'nyo na anu tinantukan-Kumo da mohansunimo Moab.

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

MARKUS 7:10

I Musa nombee'imo palentah aiya, ‘O adati na tuuma tinaum,’ ka' ‘Ihe na monguda-udahi tuuma tinanyo, o hukum mate.’

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

PO'ULE' INGULIT 21:23

anu sinilakamo aijo' madi' timbali opojohok ikiijo' sampahu, panyo tionyo ahi' o lamunmo i sinaa aijo'. Anu sinilakamo aijo' kala-kalayo' i kau' anu pinototon, timbali monsaduakon lipu' nukutuki nu Tumpu Allah. Jadi lamunmo ahi' na anu sinilakamo aijo' da boli mohumimi'i lipu' anu binee'mo nu Tumpu Allah nu belemiu hi belemiu.

PO'ULE' INGULIT 27:16

‘Kinutukan na mian anu madi' mongadati tu'anyo nu aha ka' mompojohokmo aha madi'mo opalakai.’ ‘Amin!’

PO'ULE' INGULIT 27:20

‘Kinutukan na mian anu mongambangimo tuumanyo kalana moduhusmo tiba sala'samian na bengkele' nu tuumanyo.’ ‘Amin!’