2 SAMUEL 18:8 - KITAB NU TUMPU ALLA LELE MA'IMAI'

⁸ Nahampate tempo'nyo aitu nompaka lambanimo iwi-iwi' na da'erah aijo' ka' mule' lebe manjoo' na mian sinilaka kalana kinadang nu panga' nu kau' kiijo' i uno nu alas, sahanyo anu sinilaka nahampate na madi' nanjoo'.

2 SAMUEL 18:8 ပူးပေါင်းရင်းမြစ်များ

2 SAMUEL 18:7

Gombuan nu suludadu nu aha Israel pinatundu'mo nu suludadu i Daud; anu pinatundu' aijo' manjoo' hondo, aha 20.000 na mian anu sinilaka isinaa aitu.

2 SAMUEL 18:9

Tempo'nyo i Absalom nonsake'i bagalnyo monti-montiik ia siningkabotmo suludadu i Daud. Bagal aijo' notulu i patu nu kau' anu daka' ka' heede' sahingga tinosagamo na ubak i Absalom i panga'nyo. Bagalnyo sinapopopadeka'nyomo panyo i Absalom tinongkalayo'mo ikiijo'.

1 TOMU-TOMUNDO' 20:30

Aha anu madi' sinilaka nopalaimo namba i kota Afek panyo' pagan mesen nu kota aijo' nohobo' sahingga nongutuni mo aha 27.000 na mian nu aha Siria. I Benhadd mule' nompala'imo namba i kota aijo' ka' naninsulukmo i sa'angu' na laigan i salipi'nyo sasu unonyo.

MAZMUR 3:7

Aku madi' mabuhuk maumo momada-madala' na anu mongewa mae anu montikumo mae aku lengkat mae iyaya.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

NOSABATMO 15:10

Panyo ola minsan na Tumpu tolo husa mompotokamo sinaa anu mompolugi'. Aha tinatanomo susumo timah anu maboat i uno nu bokon anu daka' hondo.

AMSAL 24:21

O anaku, okabuhuk na Tumpu ka' oholomati na tomundo. Boli mobobatukan tiba mian anu madi' situju hi aha.

AMSAL 24:22

Mian anu sumo aijo' ola sangkinihap timbali mohopu', kalana balaa' anu nupotoka nu Tumpu Allah kabai tomundo misa' han anu ola dengke-dengke.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.