2 SAMUEL 18:7 - KITAB NU TUMPU ALLA LELE MA'IMAI'

⁷ Gombuan nu suludadu nu aha Israel pinatundu'mo nu suludadu i Daud; anu pinatundu' aijo' manjoo' hondo, aha 20.000 na mian anu sinilaka isinaa aitu.

2 SAMUEL 18:7 ပူးပေါင်းရင်းမြစ်များ

2 SAMUEL 15:6

Sumo aijo' na i Absalom mombau de ko mian nu Israel kahanda' toka mae mongkalak palakalanyo hi tomundo', jadi tiba jalan anu sumo aijo' na i Absalom mongala kinyonyoa nu aha mian Israel.

2 SAMUEL 18:6

Lantas nambamo na gombuan nu suludadu i Daud nompahampateakon gombuan nu suludadu nu aha mian Israel, ka' nahampatemo na aha i uno nu alas kiijo' mae i Efraim.

2 SAMUEL 18:8

Nahampate tempo'nyo aitu nompaka lambanimo iwi-iwi' na da'erah aijo' ka' mule' lebe manjoo' na mian sinilaka kalana kinadang nu panga' nu kau' kiijo' i uno nu alas, sahanyo anu sinilaka nahampate na madi' nanjoo'.

2 SAMUEL 2:17

Lapas aijo' nahampatemo ide-idek na aha, i Abner tiba suludadu nu Israel pinatundu'mo nu suludadu i Daud.

2 SAMUEL 2:26

I bungkutnyo aijo' iloboo'akonmo i Abner nokiijo' hi Yoab, “Pa' sabole-bole ahi' kita saja'mo mahampate? Madi' nu sumbu' na mahampate susumo aiya, misa' ola ahi' mompodaagi' kasusa'an? Kami aiya to utu-utus nu beleyum sa'a-sa'angu'mo na bansanto. Hipianje na beleyum mompalentah suludadu nu beleyum da madi'mo mololoi' mae kami?”

2 SAMUEL 2:31

Suludadu i Daud nompateimo aha 360 na mian aijo'mo suludadu i Abner tulunan mae nu bansa Benyamin.

MAZMUR 144:10

Belento nompo'untungmo to tomu-tomundo' nahampate, ka' nompobebasmo i Daud posaihon nu Belento.

AMSAL 11:21

Mian anu ma'idek na kinyonyoanyo memang mohumpakmo hukuman; panyo mian anu manonong mohumpakmo kasalamatan.

AMSAL 24:21

O anaku, okabuhuk na Tumpu ka' oholomati na tomundo. Boli mobobatukan tiba mian anu madi' situju hi aha.