2 SAMUEL 18:28 - KITAB NU TUMPU ALLA LELE MA'IMAI'

²⁸ I Ahimaas notataemo daka-daka' na nonsalado'ai i tomundo' lantas tinolodadupumo ka' notatae, “O puji' na Tumpu Allah nu belento Tomundo' anu nombee'mo to mia-mian hi belento Tomundo' aha anu saja' moto muhut mombau anu ma'idek hi belento Tuanku!”

2 SAMUEL 18:28 ပူးပေါင်းရင်းမြစ်များ

KAJADIAN 14:20

Opuji' na Tumpu Allah Anu Matangkas hondo na kuasanyo anu mombee'mo hi beleyum ka'untungan nompatundu'mo sampobali' nu beleyum.” Lapas aijo' i Abram nombee'imo i Melkisedek, anu sampulu' na bagian, iwi-iwi' na to bala-balang anu binoanyomo mae, sambahagian na binee'nyo hi Melkisedek.

KAJADIAN 24:27

Ia notatae, “Opuji' na Tumpu, Tumpu Allah nu tuanku i Abraham. Inyata'mo na Tumpu taalu' saja' ahi' mongganapi janji' ka' nanonongmo hi tuanku Abraham. Ia nolaya'mo aku lau-laus tinoka hi sampoto utusannyo.”

2 SAMUEL 1:2

Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 14:4

Lantas nambamo na boune aijo' nangadap hi tomundo' ka' ia tinolodadupumo ka' nonsombah ka' notatae, “Tuanku Anu Talasanggo, tulungiakon mae na aku!”

2 SAMUEL 22:27

Kakona hi mian anu Nu poto'i na butong nu Belento susi' panyo mian anu mombau anu ma'idek na oka'ideki ahi' nu Belento.

2 TAWARIKH 20:26

Tinoka i sinaa ko ipatonnyomo aha iwi-iwi' sinihukmo i Bangka'nyo Pompuji'an, ka' nompuji'mo Tumpu na aha kalana han apaa na anu binau-Nyomo aijo' iwi-iwi'. Mokonyo aijo' bangka'nyo aijo' sinanggohanmo, “Pompuji'an.”

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

MAZMUR 124:6

Imbo' da kita montalima kaseh hi Tumpu, kalana Ia madi' nompojohok kita ihopu'an mae nu mian anu monsampobali'.

MAZMUR 31:8

Aku lame'mo ka' mule' bilahimo kalana Belento tataap mongkalibosi mae aku. Belento nontoamo mae kasansala'anku, ka' nompalahatikanmo mae kasusa'anku.

NOSABATMO 18:10

ka' notatae, “Opuji' na Tumpu anu nomposalamatmo belemiu i lima nu tomundo ka' hi bansa Mesir! Opuji' na Tumpu anu nompobebasmo bana Israel da madi'mo binotuanan!

1 SAMUEL 17:46

Sinaamo uuka aiya na Tumpu mombee' mae beleyum hi belengku, beleyum ku patundu'mo ka' ubak nu beleyum ku kolongmo. Butong nu beleyum tiba butong nu to sulu-suludadu nu Filistin ku bee'mo hi tomonsi ka' binatang, da nu kaan nu aha. Sahingga songko-songko na dunia monsumbu'je taalu' kami bansa Israel ko Tumpu Allahnyo anu osombah mami.

1 SAMUEL 24:18

Ka' notataemo na ia hi Daud, “Beleyum na totu'u ka' aku na sinala'mo.

1 SAMUEL 25:23

Salatan tinoamo i Abigail na i Daud ia sampamo nintatau' i keledainyo lantas tinolodadupumo i tengke i Daud,

1 SAMUEL 26:8

Lantas notataemo na i Abisai hi Daud, “Tumpu Allah nombee'mo sampo bali' nu belento hi belento pihi aiya. Pobee' mae na aku da ku popasokmo na talombo'nyo aitu hi butongnyo lampasan toka-toka i tano', ku pateimo na ia ola minsan na aku monjalo'akon, madi' pilenje pinduan!”