2 SAMUEL 18:24 - KITAB NU TUMPU ALLA LELE MA'IMAI'

²⁴ I Daud hau-haunyo suha-suhang i sa'angu' na tampat i olot nu sabatan daka' nu kota' sasu unonyo ka' sabatan daka' nu kota' sasu sambiha'nyo. Anu monjaga noliba'mo i pagan mesen nu kota' ka' tinuminjo aita iloteng nu sabatan daka' nu kota'. Salatan ia nontanggalakonmo nokiijo' ia nontoamo samian anu popopadeka' mo uukamo mae.

2 SAMUEL 18:24 ပူးပေါင်းရင်းမြစ်များ

2 SAMUEL 13:34

Tempo'nyo aitu i Absalom nopalaimo. Anu monjagai laigan nu Tomundo' nontoamo mian da'isan nintatau'mo mae i bungkutnyo lengkat mae i sasu Horonaim. Sahingga nambamo na ia hi tomundo' nompoto'i han aijo'.

2 SAMUEL 18:23

“Madi' mongkuka,” na koonyo mule' i Ahimaas, “Aku mambamo.” De sumo itina' yo lako'mo, na koonyo i Yoab. Sahingga nopadeka'mo na i Ahimaas nontusakon jalan anu so' montulu Bangka'nyo nu Yordan, ka' madi' pinin ia na sampa tinoka, leoknyo na posaihon mian nu Sudan aijo'.

2 SAMUEL 18:25

Anu monjaga aijo' notataemo daka-daka' nokaiyong i patuunyo mompoto'i han aijo' hi tomundo', jadi koonyo i tomundo', “De ola ia sausa'nyo tantu ia momboa mae lele anu ma'ima'.”

2 SAMUEL 18:4

Lantas notataemo na i tomundo' “Ma'ima'mo de sumo itina', yayamo belemiu.” Lapas aijo' ia tinuminjomo isohipi' nu sabatan daka' nu kota' ka' to sulu-suludadu nojiji'mo na nosabat toto sanggombu daagi ko anu sa madala na mian, ka' sa'atu na mian.

2 SAMUEL 19:8

Sahingga tinuminjomo na i tomundo' ka' nosabat ka' sinumuhangmo koko sabatan daka'. To sulu-suludadunyo nohongomo taalu' kiijo'mo lantas aha iwi-iwi' tinokamo mae nangadap. Tempo'nyo aitu iwi-iwi' na gombuan nu suludadu nu aha Israel nopalaimo ka' ninsusule'mo ilaigan nu aha toto samian.

1 SAMUEL 4:13

I Eli anu talalomo hondo binata-bata na mompotutugakon kasalamatan nu Peti' Palajanjian nu Tumpu hau-haunyo suha-suhang i kadela anu kiijo' isohipi' nu jalan lewa' mompopikilakon. Salatan mian aijo' nonsisikmo lele, Israel nahungku'mo iwi-iwi' na anu jojoong i kota lewa'mo no haangi ka' nontando'i.