2 SAMUEL 18:23 - KITAB NU TUMPU ALLA LELE MA'IMAI'

²³ “Madi' mongkuka,” na koonyo mule' i Ahimaas, “Aku mambamo.” De sumo itina' yo lako'mo, na koonyo i Yoab. Sahingga nopadeka'mo na i Ahimaas nontusakon jalan anu so' montulu Bangka'nyo nu Yordan, ka' madi' pinin ia na sampa tinoka, leoknyo na posaihon mian nu Sudan aijo'.

2 SAMUEL 18:23 ပူးပေါင်းရင်းမြစ်များ

2 SAMUEL 18:21

Lantas notataemo na i Yoab hi posaihonnyo mian nu Sudan, “Lako'mo mamba poto'i hi tomundo' apaa na anu tinoamo nu beleyum.” Posaihon aijo' tinolodadupumo nonsombah lantas nopadeka'mo na ia namba.

2 SAMUEL 18:22

Panyo i Ahimaas sabole-bolemo nongkakaase hi Yoab da ia ahi' no opobee' mamba, “Maumo pa apaa na jadi pobee'mo mae da mambamo ku polele.” “Kadaka' beleyum talalomo sumo atina' kahanda'mo sabole-bole mamba, o'anaku?” na koonyo i Yoab. “Madi' ko tambonyo na beleyum mamba atina'.”

2 SAMUEL 18:24

I Daud hau-haunyo suha-suhang i sa'angu' na tampat i olot nu sabatan daka' nu kota' sasu unonyo ka' sabatan daka' nu kota' sasu sambiha'nyo. Anu monjaga noliba'mo i pagan mesen nu kota' ka' tinuminjo aita iloteng nu sabatan daka' nu kota'. Salatan ia nontanggalakonmo nokiijo' ia nontoamo samian anu popopadeka' mo uukamo mae.

YOHANES 20:4

Ua-ua'aha nopadeka', panyo sangga'at anu saja' mombatuki aijo' na lebe nalia' noliu-liu i Petrus, ia na tinoka momona i pinolamunan.