2 SAMUEL 18:19 - KITAB NU TUMPU ALLA LELE MA'IMAI'

¹⁹ Lapas aijo' notataemo na i Ahimaas anak i Zadok hi Yoab, “Pobee' mae da aku mopadeka' mamba hi tomundo' ka' mompolele lele anu moko lame', te Tumpu nomposalamatmo i Tomundo' madi'mo ko sampo bali' mompoposia.”

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Po ule' mule' i tomundo' notatae hi Zadok, “Ende na i Ahimaas anak nu beleyum tiba i Yonatan anak i Abyatar ka' pinsusule'mo na belemiu i kota' boli mabuhuk.

2 SAMUEL 15:36

I Ahimaas anak i Zadok tiba i Yonatan anak i Abyatar suele nombatuki tuuma nu aha, jadi aha suele kiijo' mae. Anak haha itina' na nu sai mae hi belengku da toka mae monsisik lele iwi-iwi' anu ihongomo nu beleyum.”

2 SAMUEL 17:17

Tempo'nyo aitu i Yonatan anak i Abyatar tiba i Ahimaas anak i Zadok nontanda'imo koko mata nu uee En-Rogel, isohipi' nu kota' Yerusalem. Aha madi' baani na minsoop i kota' kalana mabuhuk na nu toa nu mian. Susumo anu saja'mo obau samian na posaihon boune mompotoka lele hi aha da tionyo ahi' opoto'i hi Tomundo' Daud.

2 SAMUEL 18:20

“Boli na koonyo i Yoab, to nau-nau'je ahi' sinaa uuka madi' timbali beleyum momboa lele mompoto'i anak itomundo' momo'ane sinilakamo.”

2 SAMUEL 18:23

“Madi' mongkuka,” na koonyo mule' i Ahimaas, “Aku mambamo.” De sumo itina' yo lako'mo, na koonyo i Yoab. Sahingga nopadeka'mo na i Ahimaas nontusakon jalan anu so' montulu Bangka'nyo nu Yordan, ka' madi' pinin ia na sampa tinoka, leoknyo na posaihon mian nu Sudan aijo'.

2 SAMUEL 18:31

Lapas aijo' tinokamo mae na posaihon i Yoab ka' nompoto'i hi tomundo', “Aku momboa mae lele ma'ima' hi belento Tomundo'! Sinaa aiya Tumpu nombee'imo ka'untungan nahampate hi Tomundo', mian iwi-iwi' anu saja' motomuhut mombau anu ma'idek hi belento Tomundo' pinatundu'mo.”

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 10:18

Anak anu madi'mo ko tuumanyo ka' tinanyo ka' mian anu binee'anmo kasansala'an, ti ninjohanmo nu Belento na palakalanyo, da madi'mo ko mian anu sola' monggala-gala aha.

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

MAZMUR 9:4

I ahop nu Belento sampobali'ku nobalikmo ka' nopalaimo; aha tinosumpunmo ka' tinohumpukmo ka' sinilakamo.

YEREMIA 51:31

Bobotokon nopadeka'mo sangga'at nu payuntun mule' nu sangga'at mamba mompoto'i hi tomundo' Babel koonyo kota' nu aha tinumbuhanmo mae isongko-songko na tampat.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”