2 SAMUEL 18:18 - KITAB NU TUMPU ALLA LELE MA'IMAI'

¹⁸ Daagi tempo'nyo i Absalom tutuu' nompotinjomo na ia sa'angu' na tambulan nu batu anu matangkas da ia boli okolilimi kiijo' i Bangka'nyo nu Tomundo' kalana koonyo ia madi' ko anak mo'ane anu momole'akon lee'nyo. Batu anu tinambun tangka-tangkas aijo' sinanggohannyomo nu sanggonyo ka' sampe tempo' uuka aiya batu anu tinambun tangka-tangkas aijo' daagi osumbu' Batu anu tinambun tangka-tangkas i Absalom.

2 SAMUEL 18:18 ပူးပေါင်းရင်းမြစ်များ

KAJADIAN 11:4

Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”

KAJADIAN 11:9

Kalana aijo', kota aijo' sinanggohanmo Babel, kalana ikiijo' Tumpu nompotabuntala'mo basa' nu aha iwi-iwi' na basa', ka' lengkat ikiijo' aha gina'a-ga'atakonmo nu Tumpu nobagi-bagimo namba i songko-songko na dunia.

KAJADIAN 14:17

Noko patundu' i Tomundo Kedorlaomer tiba to tomu-tomundo anu nosa'angu'mo tiba ia, i Abram ninsusule'mo mae. Lantas tomundo nu Sodom nambamo nonsingkaboti ia kiijo' i Bangka'nyo nu Syawe anu biasa osanggohi Bangka'nyo nu Tomundo.

2 SAMUEL 14:27

I Absalom ko anak mo'ane aha totolu' ka' samian na anak boune anu langkoyang hondo sanggonyo i Tamar.

MAZMUR 109:13

Bakas da iwi-iwi' na lee'nyo opateimo, ka' sanggonyo nu kolilimimo nu tulunan anu aiya mae i ahop.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

YESAYA 22:16

“Pa' koonyo nu beleyum, ihe na beleyum aiya? Apaa na hak nu beleyum sahingga beleyum mompa'atimo bau kubulan nu beleyum i puge'nyo nu batu?

YEREMIA 22:30

“Mian aijo' tinantukanmo nu Tumpu madi'mo ko to ana-anaknyo ka' saja' madi' mingkaliangan i uno nu kantumuu'annyo. Sadangkan lee'nyo suele madi'mo daagi' ko anu mingkaliangan na mompalentah i Yehuda salaku tomundo' lee' mae i Daud. Aku, Tumpu notataemo.”

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

NOMBILANGMO 32:42

I Nobah nontumbuhimo ka' nompatundu'mo Kehat tiba kampung-kampungnyo iwi-iwi' lantas sinanggohannyomo Nobah, i ngalanyo i posi sanggonyo.

1 SAMUEL 15:12

Dodododopnyo subu-subu i Samuel nambamo kahanda' da singkabot tiba i Saul. Ko anu nompoto'i hi ia tukoonyo nu aha, i Saul nambamo i kota' Karmel mompotinjomo batu salaku bau tanda nu butongnyo ikiijo' mae, lantas mambamo lau-laus i Gilgal.