2 SAMUEL 18:14 - KITAB NU TUMPU ALLA LELE MA'IMAI'

¹⁴ “Angganmo! Madi'mo ko tempo, ola kalana moto-moto taaman tiba beleyum,” na koonyo i Yoab. Lantas i Yoab nongalamo totolu' na talombo' ka' binunu'akonnyomo hi saha'an i Absalom anu tempo'nyo aitu daagi tutuu' aijo' kala-kalayo' i kau'.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Kalana beleyum madi' nontuluti Aku, ka' mule' ingalamo nu beleyum na bengkele' i Uria, saba' batu-batu lee' nu beleyum molapi-lapis mae daagi ko anu nu patei nu mian.

2 SAMUEL 14:30

Lapas aijo' notataemo na i Absalom hi to posa-posaihonnyo, “Osumbu' nu belemiu na ale' i Yoab isambiha' nu ale'ku anu sisinu'anannyo nu jelai? Mamba papu na ale'nyo aijo'.” Sahingga nambamo pinapu nu aha.

2 SAMUEL 18:15

Ka' mule' aha sampulu' na suludadu i Yoab nompahambunu' akonmo ka' nompateimo ia.

2 SAMUEL 18:5

Lantas pinalentahmo i tomundo' na i Yoab, i Abisai tiba i Itai tukoonyo, “Boli obelai nu belemiu na i Absalom olitau aijo' o'inau'akon mae na aku.” Iwi-iwi' na suludadu nohongo apaa na anu pinalentahkonmo i Daud aijo'.

2 SAMUEL 19:1

Daagi' ko anu nompoto'i hi Yoab tukoonyo nu aha i Tomundo' Daud lewa'mo nohaangi ka' nombaumo adat nu tomate kalana i Absalom sinilakamo.

2 SAMUEL 19:11

Potatae haha aijo' tinokamo hi Tomundo' Daud. Kalana aijo' sinainyomo na i Imam Zadok tiba i Imam Abyatar da mompokilawa hi to pola-polaya' nu aha Yehuda sumo uuka, “Kadaka' belemiu tinongkoimihimo na namba mae nongala ka' nonsangalui i tomundo' minsusule' ilaigan nu tomundo'?

AYUB 20:5

kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

MAZMUR 37:35

Aku toho'mo nontoa samian na anu ma'idek na kinyonyoanyo anu mongka'ima'i saja' buulon; ia sumomo ahi' kau' anu molumba' ka' bakatnyo naleengmo.

MAZMUR 45:5

Lambanimo ka' babaani da ohumpak na kamajuan montinjohakon kahondoan tiba ka adinan anu pantas salaku manusia; tiba kahosonan nu belento atina' po agomo da untung na mahampate!

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

TO MIA-MIAN KOPIAN 4:21

I Sisera tahahumo nalawe, sahingga ia natatundu'mo lantas kinahoyotanmo. I Yael nongalamo sa'angu' na malatelu ka' sangkau na kau' pakakas nu kemah, lantas jinolonyomo nokiijo' na i Sisera. Lapas aijo' pinopasoknyomo na kau' aijo' i buan nu ajenyo sahingga i lampasan tinoka-toka i tano'. Sumo aijo' na i Yael nompatei i Sisera.

TO MIA-MIAN KOPIAN 5:26

Kau' pakakas nu kemah ka' malatelu i limanyo na i Yael nompatei i Sisera sahingga nobiha' na ubaknyo.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.