2 SAMUEL 17:8 - KITAB NU TUMPU ALLA LELE MA'IMAI'

⁸ Belento Mian Daka' tantu monsumbu'mo i Daud tiba to sulu-suludadunyo baani hondo na mahampate. Ko baaninyo nu aha sumomo ahi' tinanyo nu beruang anu nolapusmo na anaknyo. Ka' mule' i Daud anu saja'mo nahampate, jadi ia pinandemo ahi' na mahampate, madi'mo toho' hoyot maninggalum tiba to sulu-suludadunyo.

2 SAMUEL 17:8 ပူးပေါင်းရင်းမြစ်များ

2 SAMUEL 15:18

Iwi-iwi' na anu ko pangkatnyo mokalaja hi tomundo' tinuminjomo i sohipi'nyo salatan gombuan nu suludadu anu monjagai i tomundo' notulumo so' noliu-liu aha. Ka' suele ano atu na suludadu anu nombatukimo mae lengkat i Gat, tinuminjomo nojiji' i ahopnyo.

2 SAMUEL 17:9

Ku gantang tempo uuka ia naninsulukmo i uno nu liang kabai i tampat sangga'at. Jadi bisuanyo suludadu nu belento Mian Daka' nu tumbuhi mae i Daud ka' ko anumo silaka tantu maumo ahi' pa' ihe na mohongo mae lele aijo' motataemo tu koonyo nu aha to sulu-suludadu i Absalom pinatundu'mo.

2 SAMUEL 23:16

Salatan aha totolu' na suludadu anu matangkas na pangkatnyo nohongomo aijo', aha nompokiijo'imo kemah nu mian Filistin lantas nontaukmo mae uee nu bubung aijo' ka' binoamo nu aha hi Daud. Panyo i Daud madi' nongka'oho' nonginum ola mule' ahi' binubusakonyo salaku palasombahannyo hi Tumpu.

2 SAMUEL 23:18

Aha tolumpulu' na suludadu anu matangkas na pangkatnyo ka' anu tinalasanggomo aijo' sinanggohan mule' “Tridasawira”. Anu mongkapalai aha i Abisai utus ise' i Yoab anak i Zeruya. Ia toho'mo nompatei nu talombo'nyo tolu'atu na mian. Kalana aijo' sahingga ia tinalasanggomo. Panyo ia madi' lebe baani molingkudui “Triwira”.

2 TOMU-TOMUNDO' 2:24

I Elisa nosiloi ka' nontoa aha lantas sinumpa'akonnyomo na aha i uno nu sanggo nu Tumpu. Madi' pinin ohua' na beruang behenyo nosabatmo mae i kuhat ka' nombente-bentek aha patompulu' ka' ohua' na to ana-anak anu sinihuk aijo'.

AMSAL 17:12

Lebe ma'ima' singkabot tiba tina nu beruang anu nolapusmo na anaknyo; ka' de mule' tiba mian anu ponga' anu saja' tasiaga ikaponga'annyo.

AMSAL 28:15

Mian anu ma'idek na kinyonyoanyo mongkuasai mian anu madi' ko apa-apaanyo. Sumomo singa anu molohu'mo kabai beruang anu mololoi'mo.

YEHEZKIEL 19:2

Tina nu beleyum sumomo ahi' tina nu singa anu opaliasi ka' mule' madi' ko anu mongkakanai. Ia nompidaka'imo to ana-anaknyo, aijo' itotonga' nu to singa-singa anu to babaani.

DANIEL 7:5

Binatang anu ko ohua'nyo sumo beruang. Ia tuminjo nu tengkenyo anu i pa'anyo sasu hikunyo, ka' nontoong totolu' na kolongannyo nu bukunyo nu has sika-sika sengan i bese'nyo. I hongongku na potatae hi ia, “Soba kaanmo na antok nu ponoha' konjoo'nyo yayamo na anu nu ka'ima'i!”

HOSEA 13:8

Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

TO MIA-MIAN KOPIAN 18:25

Koonyo nu mian haha aijo' tulunan nu bansa Dan, “Sahanyo gintumi na nganga'; da boli mian haha aijo' motambuha' ka' montumbuhimo beleyum. Dumo beleyum ka' iwi-iwi' na to utu-utus nu belemiu silaka.”

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 17:50

I Daud nopadeka'mo nokiijo' hi Goliat ka' tinuminjomo koko hi ia; ingala nyomo na bajak i Goliat ka' kineatnyomo lantas kinolongnyomo na ubak nu mian Filistin aijo'. Sumo aijo' na i Daud nompatundu' ka' nompateimo i Goliat ola salambeta tiba batu! Salatan tinoamo nu aha mian nu Filistin notua'mo na talenga' nu aha ka' mule' inatemo aha nopalaimo.

1 SAMUEL 23:23

Jadi otoa hondo mana-manasa na liang haha itina' anu toho'mo pinainsulukannyo, ka' po ule' mae mo uuka monsusule' mompoto'i hi belengku. Lantas aku mambaje hingga-hinggat tiba belemiu, ka' de ia daagi i daerah itina' memang kubali balikakon totu-totu'u, ka' Yehuda tionyo ahi' ku songkohimo.”