2 SAMUEL 17:23 - KITAB NU TUMPU ALLA LELE MA'IMAI'

²³ Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 16:23

Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

2 SAMUEL 17:22

Lantas i Daud tiba to sulu-suludadunyo notaapmo i Kaunyo nu Yordan, tinoka i santoanyo sinaa binete'mo.

1 TOMU-TOMUNDO' 16:18

Salatan tinoa i Zimri taalu' kota' aijo' pinotundu'mo, ia ninsoopmo i Laigan nu tomundo' ka' pinapuannyomo na laigan nu tomundo' aijo', hingga-hinggat tiba butongnyo sahingga ia sinilakamo.

2 TOMU-TOMUNDO' 20:1

Tempo'mo aitu na i Tomundo' Hizkia kinonamo nu bisun anu daka' hondo sahingga me sangkiding silakamo. I Nabi Yesaya anak i Amos nambamo nontoa ia ka' pinoto'inyomo, “Pinotuun mae nu Tumpu da opokopiani na belento Tomundo' mongatun iwi-iwi'na ulusan kalana belento Tomundo' madi'mo ma'alin. Madi'mo pin na belento Tomundo' silakamo.”

AYUB 31:3

Balaa' ka' kalugi'an tionyo ahi' Nupotokamo mae hi mian anu nombaumo kalakuan anu ma'idek!

MAZMUR 109:20

O, Tumpu nabu'akonmo na hukuman aijo' hi mian anu montutuk mae aku, hi aha anu motatae mae ma'idek hi belengku.

MAZMUR 5:10

Kalana potatae nu anu mongewa mae aku madi' ko anu opalesaya; kinyonyoa nu aha nobuke'mo nu tanga'an anu ma'idek. Potatae nu aha matami' hondo mompai godamo panyo kinyonyoa nu aha kahomo anu mabusik.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

AMSAL 19:3

Manusia mompolugi' posi butongnyo nu kaponga'annyo lapas mae mompisala'imo Tumpu i han anu jinadimo aijo'.

YESAYA 38:1

Itempo'mo aijo' na i Hizkia nasakit ka' me sangkiding sinilakamo. I Nabi Yesaya anak i Amos nambamo nontoa ia ka' nompoto'i, “Pinotuun mae nu Tumpu da belento Tomundo' mompobelesmo iwi-iwi' na ulusan, kalana belento Tomundo' madi'mo daagi' ma'alin. Madi'mo pin belento Tomundo' silakamo.”

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.