2 SAMUEL 17:17 - KITAB NU TUMPU ALLA LELE MA'IMAI'

¹⁷ Tempo'nyo aitu i Yonatan anak i Abyatar tiba i Ahimaas anak i Zadok nontanda'imo koko mata nu uee En-Rogel, isohipi' nu kota' Yerusalem. Aha madi' baani na minsoop i kota' kalana mabuhuk na nu toa nu mian. Susumo anu saja'mo obau samian na posaihon boune mompotoka lele hi aha da tionyo ahi' opoto'i hi Tomundo' Daud.

2 SAMUEL 17:17 ပူးပေါင်းရင်းမြစ်များ

2 SAMUEL 15:27

Po ule' mule' i tomundo' notatae hi Zadok, “Ende na i Ahimaas anak nu beleyum tiba i Yonatan anak i Abyatar ka' pinsusule'mo na belemiu i kota' boli mabuhuk.

2 SAMUEL 15:35

I Imam Zadok tiba i Abyatar suele kiijo' mae. Poto'i hi aha iwi-iwi' apaa na anu ihongomo nu beleyum aiya hi laigan nu tomundo'.

2 SAMUEL 15:36

I Ahimaas anak i Zadok tiba i Yonatan anak i Abyatar suele nombatuki tuuma nu aha, jadi aha suele kiijo' mae. Anak haha itina' na nu sai mae hi belengku da toka mae monsisik lele iwi-iwi' anu ihongomo nu beleyum.”

1 TOMU-TOMUNDO' 1:42

Ma'isa pinupus na i Yoab notatae, monti-montiik tinokamo na i Yonatan anak i imam Abyatar. “Imbo' pinsoop mae,” na koonyo i Adonia. “Beleyum mian anu ma'ima', tantu anu nu boa mae aiya lele anu ma'ima'.”

1 TOMU-TOMUNDO' 1:9

Daagi' kino sansinan i tampat sanggonyo Batu Ulo koko mata nu uee En-Rogel, i Adonia nomsombahkonmo domba binau koloban, sapi' lakinyo tiba anak nu sapi' anu toto lompo-lompo'. Ia nolagamo to ana-anak mo'ane sangga'at i Tomundo' Daud ka' to mia-mian anu ko pangkatnyo monjagai laigan nu tomundo' aha mae tulunan nu bansa Yehuda da mamba i bau-bauon mongkolobanakon aijo'.

YOSUA 15:7

lapas aijo' i lau-lausmo nokiijo' i Bangka'nyo Kasusa'an toka-toka i Debir, lantas nosele mule' mompanjolongi utara mongahopimo Gilgal i tampat anu mompaha ahop tiba sohipi' nu bungkutnyo anu kiijo' mae i Adumin sasu selatan bangka'nyo aijo'. Lengkat ikiijo' i lau-laus mule' i mata nu uee En-Semes, lantas nokiijo'mo i En-Rogel,

YOSUA 18:16

lantas nokaiyongmo i tengke nu bungkutnyo anu mompaha timbang bangka'nyo nu-Hinom anu i puusnyomo sasu utara Bangka'nyo nu Refaim. Lapas aijo' potempasannyo nambamo sasu selatan motulu Bangka'nyo nu-Hinom sasu selatan sohipi' nu bungkutnyo i lipu' Yebus lantas lau-lausmo namba i En-Rogel,