2 SAMUEL 17:10 - KITAB NU TUMPU ALLA LELE MA'IMAI'

¹⁰ Sahingga mian anu toto babaani tiba anu toto hoso-hoson susumo singa, tantu mabuhukmo. Kalana aha mian nu Israel iwi-iwi' monsumbu'mo tuuma nu belento Mian Daka' aijo' memang ahi' talenga' ka' mule' to sulu-suludadunyo anu ahi' to babaani.

2 SAMUEL 17:10 ပူးပေါင်းရင်းမြစ်များ

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

2 SAMUEL 1:23

I Saul tiba i Yonatan mongkanaya mian ka' okalibosi saja' mongka'oho' mosa'ngu' mau i uno nu kantumuu'an ka' ikasilakan; aha lebe malia' molingkudui alaimbelong, lebe mahoson molingkudui singa anu daagi bata'nyo.

2 SAMUEL 17:9

Ku gantang tempo uuka ia naninsulukmo i uno nu liang kabai i tampat sangga'at. Jadi bisuanyo suludadu nu belento Mian Daka' nu tumbuhi mae i Daud ka' ko anumo silaka tantu maumo ahi' pa' ihe na mohongo mae lele aijo' motataemo tu koonyo nu aha to sulu-suludadu i Absalom pinatundu'mo.

2 SAMUEL 23:20

Samian na suludadu sanga'at anu matangkas na pangkatnyo ka' suele talasanggo aijo'mo i Benaya anak i Yoyada mian nu Kabzeel. Ia baani hondo. Ua aha na talenga' anu talasanggo lengkat mae i Moab pinateannyomo. Daagi' kino minsan tempo'nyo nu bakin ia ninsoopmo i sa'angu' na liang, ka' nompateimo sa'angu' na singa ikiijo'.

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

NYANYIAN ANU TALASANGGO 3:7

Toa aijo' na kasuhangan i Salomo; tinikuban nu mian aha anompulu' anu to babaani, mian haha aijo' anu to babaani i hi aha Israel,

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

PO'ULE' INGULIT 1:28

Jadi bau apa na kita mokijo? Tomi-mian anu pinokaunto no kijo' mombau kita mabuhuk tiba mompotoiakon saba bansa aijo lebe mahason ka lebe bani hondo tiba kita, ka'aha mule' jojong i kota-kota anu ko pimpi'nyo ko tangkasnyo toka i langit.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”