2 SAMUEL 16:8 - KITAB NU TUMPU ALLA LELE MA'IMAI'

⁸ Kalaja'an i Saul ingagoanmo nu beleyum. Uuka aiya nu hukumo nu Tumpu na beleyum, kalana lewa'mo nompatei sampoto utusan mae i Saul manjoo' hondo. Kalaja'an nu beleyum nu bee'mo nu Tumpu hi Absalom anak nu beleyum. Uuka aiya nompahabindak na beleyum anu lewa'mo nompatei!”

2 SAMUEL 16:8 ပူးပေါင်းရင်းမြစ်များ

2 SAMUEL 1:16

Koonyo i Daud hi olitau nu aha Amalek aijo', “Posi beleyum na nompokona hukuman mate aiya hi butong nu beleyum kalana nongakuimo tukooyum beleyum nompateimo tomundo' anu pinile'anmo nu Tumpu!”

2 SAMUEL 19:19

“Ku kakase de timbali belento Tomundo' madi'mo montoa mae aku daagi' sabole-bole ko kasala'anku. De timbali kolilimimo mae Tomundo' apaa na anu binaungkumo tempo'nyo belento Tomundo' nompala'imo Yerusalem.

2 SAMUEL 19:21

Nohongo potatae aijo' i Abisai anak i Zeruya notataemo, “I Simei pantasmo na ohukum mate kalana ia nongkutukimo tomundo' anu pinile'anmo nu Tumpu.”

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

2 SAMUEL 21:9

Aha binee'mo hi aha mian nu Gibeon lantas aha popi-popitu' aijo' sinilakamo hingga-hinggat sinegot ka' pinokalayo'mo aita i bungkutnyo hi ahop nu Tumpu. Hukuman mate aijo' binee' hi aha tempo'nyo lapasmo na kau' nimbuhak, ka' tempo'nyo aitu pangalapanmo bua'nyo nu jalai.

1 TOMU-TOMUNDO' 2:8

Mongkona i Simei anak i Gera anu lengkat mae i kota Bahurim i da'erah nu aha Benyamin, suele daagi' ko anu ku potuun hi beleyum. Tempo'nyo aku namba i Mahanaim, i Sime'i aijo' u'utu mae nontotobi'akonmo aku tinalalomo hondo. Panyo' lapas aijo' tempo'nyo ia tinokamo molalabot aku i Kaunyo Yordan, aku binasumpa'mo hi ia i uno nu sanggo nu Tumpu tukoongku aku madi'mo mompatei ia.

MAZMUR 3:2

O Tumpu, talalo hondo manjoo' na anu monsampobali' aku, manjoo'mo hondo na anu molambani mae aku!

MAZMUR 4:2

O Tumpu, Belentomo na anu montinjohi mae aku; taami mae de aku momoitamo tulung. De aku susa'mo, Belentomo na montulungi aku; uuka aiya kalibosiakon mae na aku ka' potombihingakon mae na do'angku.

MAZMUR 55:3

Palahatikanakon mae na aku ka' taami mae na aku, aku silakamo nu kasusa'anku.

MAZMUR 7:4

O Tumpu-ngku, de aku nombaumo anu tageo' na palabuatan, nombaumo anu ma'idek hi sangalungku, kabai nompolugi'mo anu mongewa mae, padahan madi' kosababnyo, de bisuannyo aku nombaumo sumo aijo',

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

TO MIA-MIAN KOPIAN 9:24

Han aijo' sinida da tinobalosakonmo na ka'idekan i Abimelekh tiba aha mian nu Sikhem anu nonsale'imo ia da pinatean na aha pitumpulu' na to ana-anak i Gideon.