2 SAMUEL 16:4 - KITAB NU TUMPU ALLA LELE MA'IMAI'

⁴ Lantas notataemo na i tomundo hi Ziba, “Jadi uuka aiya apa-apaa na anu i Mefiboset beleyumo na tumpunyo.” “Salamat Tomundo',” na koonyo i Ziba, “O'amalakon da belento Tomundo' saja' ma'ima' mae hi belengku!”

2 SAMUEL 16:4 ပူးပေါင်းရင်းမြစ်များ

2 SAMUEL 14:22

I Yoab tinolodadupumo nonsombah i ahop i Daud ka' notatae, “O'amalakon da Tumpu Allah mombalakati belento Tomundo'! Uukaje ka' sinumbu'ku taalu' belento Tomundo' mongkanonongi ahi' mae aku kalana belento Tomundo' nompopo ii'mo mae apaa na anu pinoto'ingkumo.”

2 SAMUEL 14:4

Lantas nambamo na boune aijo' nangadap hi tomundo' ka' ia tinolodadupumo ka' nonsombah ka' notatae, “Tuanku Anu Talasanggo, tulungiakon mae na aku!”

2 SAMUEL 14:8

Tinaaman i Tomundo', “Pinsusule'mo” “ku ulusje na palakala aijo'.”

2 SAMUEL 16:3

Lantas pinokilawa mule' i tomundo' hi ia, “Iyamo na i Mefiboset makumpu nu tuan nu beleyum, i Saul?” “Ia daagi sakiijo'nyo i Yerusalem.” Tinaaman i Ziba, “kalana sinumbu'nyomo hondo-hondo, uuka aiya mian nu Israel po ule'mo mompotinjo kalaja'an i Saul, kai'nyo, obee'mo hi ia.”

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

2 SAMUEL 19:27

Ka' mule' anu madi' totu'u sinisiknyomo hi belento Tomundo' anu ola mongidei sanggongku. Panyo belento Tomundo' sumomo ahi' malaekat nu Tumpu Allah. Kalana aijo' baumo pa' apaa na anu o'oa'i nu belento ma'ima' Tomundo'.

2 SAMUEL 9:6

Anak mo'ane i Yonatan aijo' sanggonyo i Mefiboset. Salatan ia tinokamo ia tinolodadupumo noholomati i Daud. I Daud nolagamo ia tukoonyo, “Mefiboset”, sahingga tinaamannyomo, “Ii' kita Tomundo.”

2 SAMUEL 9:9

Lantas ilaganyomo na i Ziba posaihon i Saul aijo', ka' pinoto'inyomo, “Iwi-iwi' apaa na anu pinala'ianmo i Saul ka' to ana-anaknyo ku bee'mo hi makumpu nu tuan nu beleyum aiya.

NOSABATMO 23:8

Boli mongala doi pombayan palakala da otinjohi na mian aijo', kalana doi pombayan palakala aijo' mompopaha mian sahingga madi'mo montoa anu totu'u ka' mompolugi'mo to mia-mian anu madi' ko sala'nyo.

AMSAL 18:13

Montaami padahan ma'isa pe'e ohongo atina' palabuatan anu ponga' ka' madi' ma'ima'.

AMSAL 18:17

Anu momona motatae i uno nu pongulusan mo palakala saja' otoa totu'u, panyo anu nusisik aijo' o'uji' mo de tokamo na sampo bali'nyo.

AMSAL 19:2

Anu makeke de madi' ko ilimu', madi' ma'ima'; mian anu ko sia-sia saidi mae monsaduakon kasala'an.

PO'ULE' INGULIT 19:15

“De ola samian na sakisi madi' opongala na mompoto'i samian anu osangka sinala'mo; opai-pai lio ua'aha na sakisi anu opongala i han aijo'.