2 SAMUEL 16:3 - KITAB NU TUMPU ALLA LELE MA'IMAI'

³ Lantas pinokilawa mule' i tomundo' hi ia, “Iyamo na i Mefiboset makumpu nu tuan nu beleyum, i Saul?” “Ia daagi sakiijo'nyo i Yerusalem.” Tinaaman i Ziba, “kalana sinumbu'nyomo hondo-hondo, uuka aiya mian nu Israel po ule'mo mompotinjo kalaja'an i Saul, kai'nyo, obee'mo hi ia.”

2 SAMUEL 16:3 ပူးပေါင်းရင်းမြစ်များ

2 SAMUEL 16:4

Lantas notataemo na i tomundo hi Ziba, “Jadi uuka aiya apa-apaa na anu i Mefiboset beleyumo na tumpunyo.” “Salamat Tomundo',” na koonyo i Ziba, “O'amalakon da belento Tomundo' saja' ma'ima' mae hi belengku!”

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 15:3

anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

MAZMUR 88:18

Sansina-sinaa tambuha' nu Belento sumomo iaba' anu nontikumo mae aku nontumbuhimo mae aku lengkat mae iwi-iwi na tampat.

NOSABATMO 20:16

Boli timbali sakisi anu madi' totu'u hi mian sangga'at.

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

AMSAL 21:28

Katalangan nu anu baleko' madi'timbali opalesaya; panyo katalangan nu mian anu monsumbu' bau-baunyo nu palakala, timbali otalima.

MIKHA 7:5

Boli mompalesaya anu mompaha ohani laigan nu belemiu, boli montaha'imani sangko sangalu nu belemiu. Obala'ingati na belemiu motatae, mau mule' anu mohongo posi bengkele' nu belemiu.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.