2 SAMUEL 16:23 - KITAB NU TUMPU ALLA LELE MA'IMAI'

²³ Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

2 SAMUEL 17:1

Lapas aijo' madi' pinin notatae mule' na i Ahitofel hi Absalom, “Pobee' mae na aku mompile'i aha 12.000 na mian. Da saidi de malomo aku mambamo mololoi'i Daud.

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

AYUB 5:12

Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa. Sinumbu'mo ka' i humpaknyomo na mian anu pande na monggoliliakon potataenyo, sahingga iwi-iwi na tanga'an nu aha madi' nongkaliangan, ka' aha ingakalanmo nu kapandean nu aha.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

ANU MOMPOLELE POTATAE NU TUMPU 10:1

Bangke' nu lalo mombusiki samboton na minya-minya'; kaponga'an mau ola sangkiding mongalini kapandean bapikin anu matangkas na alati'nyo.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

NOMBILANGMO 27:21

I Yosua tionyo ahi' mompoita pokinde' hi Imam Eleazar, ka' i Eleazar tionyo ahi' mompokilawa hi beleng-Ku mosia na pongka'oho'-Ku monggunakon Urim ka' Tumim. Tiba jalan anu sumo aijo', na i Eleazar mompotiju' i Yosua ka' hi iwi-iwi' na bansa Israel ka' iwi-iwi' mule' na han anu nu ahopi nu aha.”

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

ROMA 1:22

Aha mongoa'i butong pande, yo aitu aha ponga'.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 SAMUEL 30:8

Lapas aijo' pinokilawamo i Daud hi Tumpu, “Pa' tionyo ahi' ku loloi' na mian anu nambamo mae nontumbuhi aijo'? Pa' timbali ku tuusakon na aha?” Tinaaman nu Tumpu, “Ii' timbali, loloi'mo, timbali nu tuusakon na aha ka' po ule'mae nu boa na anu ihakopmo nu aha.”