2 SAMUEL 16:22 - KITAB NU TUMPU ALLA LELE MA'IMAI'

²² Jadi i Absalom binauanmo kemah aita i loteng ilaigan nu tomundo' anu kantoan. Lantas tinoamo nu mian iwi-iwi' na i Absalom ninsoopmo i kemah aijo' ka' noduhusmo tiba to amba-ambahue' nu tuumanyo.

2 SAMUEL 16:22 ပူးပေါင်းရင်းမြစ်များ

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

2 SAMUEL 15:16

Lantas nambamo na i tomundo' ka' sinangaluanmo nu aha sa'anakan tiba to mia-mian anu ko pangkatnyo, ola to amba-ambahue'nyo na madi' namba aha sampulu' jinojoongmo montamongi laigan nu tomundo'.

2 SAMUEL 20:3

Salatan i Daud tinokamo kiijo' ilaigan nu tomundo' i Yerusalem, aha sampu-sampulu' na ambahue'nyo anu pinala'ianyomo nontamongi laigan nu tomundo' pinojoongnyomo i sa'angu' na laigan ka' ojagai nu suludadu. Apa-apaa na anu nu palalui nu aha oposukupakon na obee', panyo i Daud madi'mo lewa' male' hi aha, jadi aha jinagaanmo madi' timbali momoya, ka' kantumuu'an nu aha sumomo ahi' anu binalumo sanpe silaka.

YESAYA 3:9

Kalakuan nu aha bubuulon ponsumbu'anmo palabuatan nu aha ma'i-ma'idek. Nu totonggolakonmo nuaha na mombau dosa' susumo aha mian nu Sodom naipuan mae. Silakamo na aha! Aha mosi silakaimo posi butong nu aha.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

YEHEZKIEL 24:7

I kota' aijo' ko anumo pinatean, panyo baso' nu anu pinateanmo aijo' madi' nobubus i tano' panyo ola nobubus i batu anu mokuut hondo sahingga madi' opoko ala otabuhi.

NOMBILANGMO 25:6

Salatan i Musa ka' iwi-iwi' na mian hau-haunyomo lewa'mo i humang i sabatan nu Kemah nu Tumpu, aha nontoamo mian nu Israel samian nomboamo samian na boune nu aha Midian ninsoopmo i uno nu kemahnyo.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.