2 SAMUEL 16:21 - KITAB NU TUMPU ALLA LELE MA'IMAI'

²¹ Tinaaman i Ahitofel, “Lako' hi ambahue' nu tuuma nu belento Tuanku haha kiijo' anu jinojoong mae nonjagai laigan nu tomundo' ka' poduhusmo hi aha. Da nusumbu' nu aha mian Israel iwi-iwi' na palabuatan nu belento Tuanku, sahingga belento Tuanku o'anggapmo sampo bali' nu tuuma nu belento Tuanku. Sahingga iwi-iwi' na aha anu monsagalui belento Tuanku lebemo baani.”

2 SAMUEL 16:21 ပူးပေါင်းရင်းမြစ်များ

KAJADIAN 34:30

I Yakub notataemo hi Simeon ka' hi Lewi, “Komiu monsusa'imo aku. Uuka aiya mian nu Kana'an ka' mian nu Feris ka' iwi-iwi' na anu jojoong i lipu' aiya mongka'idekimo mae aku. To mia-mianto madi' manjoo'; de mian anu jojoong i lipu' aijo' iwi-iwi' mosa'angu'mo mongewa ka' montumbuhimo mae aku, kita sa'anakan iwi-iwi' nupateimo mae nu aha.”

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

KAJADIAN 38:16

Lantas ingohanianmo i Yehuda i sohipi' nu jalan aijo' ka' notatae, “Sangkuka na nu poita?” Madi' sinumbu'nyo na boune aijo' moniannyo. I Tamar nontaami, “Yayamo belento Tuan.”

KAJADIAN 6:4

Tempo'nyo aitu, ka' mule' ilapas na aijo' daagi' ko to mia-mian anu daka' hondo na butongnyo i dunia. Aha lee' nu to lalangkoyang nu manusia anu no'osoamo tiba to mala-malaekat. To mia-mian anu daka' hondo na butongnyo aijo' to babaani hondo ka' mian haha aijo' talasanggo hondo tempo'nyo naipuan mae.

2 SAMUEL 10:6

Lapas aijo' aha mian nu Amon sininsumbu'je saba' kalakuan nu aha aijo' nonsabapimo da i Daud mongka'idekimo aha. Mokonyo aijo' aha nontamboimo ahamian nu Amon 20.000 na mian suludadu nu Siria anu jojoong i Bet-Rehob tiba Zoba, ka' mule' 12.000 na mian suludadu lengkat mae i Tob, tiba tomundo' nu Maakha ka' 1.000 na mian suludadunyo.

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

2 SAMUEL 13:5

Lantas notataemo na i Yonadab hi ia, “Itina' na dengke ahi'! Soba male' i tampat kahoyotan nu beleyum ka' mimbudi-budi au'aitu nasakitmo. De tuuma nu beleyum tokamo mae montoa beleyum, poto'imo hi ia, 'Papa' pobee' pe'e mae na i Tamar momboai mae anu okaan. De kutoa ia mongunjang anu anu okaan i aiya, yo aku majota na mongkaan.’ ”

2 SAMUEL 15:16

Lantas nambamo na i tomundo' ka' sinangaluanmo nu aha sa'anakan tiba to mia-mian anu ko pangkatnyo, ola to amba-ambahue'nyo na madi' namba aha sampulu' jinojoongmo montamongi laigan nu tomundo'.

2 SAMUEL 16:20

Lapas aitu pinokilawamo i Absalom hi Ahitofel, “Soba poto'i mae apaa na anu tionyo ahi' obaunto.”

2 SAMUEL 17:7

Tinaaman i Husai, “Pokinde' i Ahitofel uuka madi' ma'ima'.

2 SAMUEL 2:7

Posahaan na kinyonyoa nu belemiu ka' baumo na apa-apaa susumo suludadu anu baani hondo! I Saul tomundo' nu belemiu memang sinilakamo, panyo aha mian nu Yehuda nohangkatmo aku binau tomundo' nu aha.”

2 SAMUEL 20:3

Salatan i Daud tinokamo kiijo' ilaigan nu tomundo' i Yerusalem, aha sampu-sampulu' na ambahue'nyo anu pinala'ianyomo nontamongi laigan nu tomundo' pinojoongnyomo i sa'angu' na laigan ka' ojagai nu suludadu. Apa-apaa na anu nu palalui nu aha oposukupakon na obee', panyo i Daud madi'mo lewa' male' hi aha, jadi aha jinagaanmo madi' timbali momoya, ka' kantumuu'an nu aha sumomo ahi' anu binalumo sanpe silaka.

1 TOMU-TOMUNDO' 11:25

Susumo i Hadad, i Tomundo' Rezon suele nonsampo bali'mo Israel tempo'nyo i Salomo daagi tutuu' ka' lewa'mo nombau kahengge'an ilipu' aijo'.

1 TOMU-TOMUNDO' 2:17

Pinokilawa i Batsyeba, “Apaa na anu nu poita?” Tinaaman i Adonia, “Ku poita da Belento pontina'on mompoitakon mae hi Tomundo' Salomo da opobee' mae na aku mongosoai i Abisag, langkoyang anu lengkat mae i Sunem aijo'. Ku taha'imani i Salomo madi' montewa' anu nu poita nu belento pontina'on.”

1 TOMU-TOMUNDO' 2:22

“Kadaka' belento pontina'on momoitamo itina' hi belengku?” pinokilawa i Salomo. “Aijo' pokakanamo momoita da aku mombee'mo kasuhanganku salaku tomundo' hi ia. Te misa' ia utusku tu'a? Ka' mule' i Imam Abyatar ka' i Yoab nonsangaja'imo ia.”

IMAMAT 18:8

Boli mongambangi tuuma nu belemiu kalana moduhusmo tiba sala' samian na bengkele'nyo sangga'at.

IMAMAT 20:11

Samian na mo'ane anu moduhusmo tiba sala' samian bengkele' nu tuumanyo, monggagoimo hak nu tuumanyo. Mo'ane ka' boune aijo' tionyo ahi' o hukum mate. Aha mate, kalana posi kasala'an nu aha.

ZAKHARIA 8:13

O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 SAMUEL 13:4

Aha iwi-iwi' na bansa Israel pinoto'imo tukoonyo nu ahahi i Saul nompateimo kapala nu suludadu nu aha Filistin anu matangkas na pangkatnyo jadi aha mian nu Filistin nongka'idek imo hondo mian nu Israel. Kalana aijo' mian da'isan nohongo-hongomo polaga da mosa'angu'mo tiba i Saul i kiijo' i Gilgal.

1 SAMUEL 27:12

Panyo i Akhis mompalesaya hondo i Daud ka' ia binapikin i uno nu kinyonyoanyo, “Ia nu ka'ideki hondo nu posi bansanyo, sahingga ia pakisa binaumo posaihonku sidu-sidutu' i uno nu kantumuu'annyo.”