2 SAMUEL 16:14 - KITAB NU TUMPU ALLA LELE MA'IMAI'

¹⁴ I Tomundo' tiba suludadunyo iwi-iwi' nongoa'imo hondo lawe salatan aha tinokamo i Kaunyo nu Yordan lantas nilawemo na aha ikiijo'.

2 SAMUEL 16:14 ပူးပေါင်းရင်းမြစ်များ

2 SAMUEL 16:13

Lantas i Daud tiba anu monsangalui ia nambamo lau-laus ka' suele i Simei ilumajangmo lia-lia' nombatuki aha isohipi' nu puge'nyo ka' lewa'mo nontotobi'akon ka' lewa'mo nompahambunu'akon nu batu tiba tano'.

2 SAMUEL 16:15

Hau-haunyo aijo' i Absalom tiba iwi-iwi' na mian nu Israel anu monsangalui, aha ninsoopmo i kota' Yerusalem, ka' i Ahitofel suele nombatukimo aha.

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

2 SAMUEL 17:2

Ia kutumbuhije de malawemo na ia ka' hentemo na kinyonyoanyo. Ku potolokengkengje na ia sahingga mopalaimo na suludadunyo iwi-iwi'. Ola i Tomundo' Daud na ku patei.