2 SAMUEL 16:12 - KITAB NU TUMPU ALLA LELE MA'IMAI'

¹² Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

2 SAMUEL 16:12 ပူးပေါင်းရင်းမြစ်များ

2 SAMUEL 16:13

Lantas i Daud tiba anu monsangalui ia nambamo lau-laus ka' suele i Simei ilumajangmo lia-lia' nombatuki aha isohipi' nu puge'nyo ka' lewa'mo nontotobi'akon ka' lewa'mo nompahambunu'akon nu batu tiba tano'.

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 109:28

Mau mule' aha mongkutuki mae aku, o' amalakon da Belento mombalakati mae aku. Mau mule' aha mongewa mae aku, aha saidi' mae opopo ambangje; panyo o' amalakon, aku posaihon nu Belento, mohumpak kalame'an.

MAZMUR 132:1

Nyanyian mamba i tampat anu ko balakatnyo. O, Tumpu, inau'akon na i Daud, ka' iwi-iwi' na kasansala'annyo.

MAZMUR 25:18

Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

AMSAL 25:22

Tiba jalan anu sumo aijo', beleyum mombaumo la da ma'ambang ka' Tumpu mombalakatimo beleyum.

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

YESAYA 27:7

Tumpu mohukum mian anu palesayamo hi Ia, madi' sumo koboatnyo nu hukuman anu nu pokona hi mian anu monsampobali' aha. Ia madi' mompatei mian anu palesayamo hi Ia, susumo ia nohukumo sampobali'-Nyo.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

PO'ULE' INGULIT 23:5

Panyo Tumpu Allah nu belemiu madi' nompajuli i Bileam. Ka' mule' Ia nombali'imo kutuk aijo' timbali balakat, kalana Ia mongkalibosi belemiu.

PO'ULE' INGULIT 23:6

I uno nu kantumuu'an nu belemiu ka' sampe toka sidu-sidutu', boli montulungi bansa haha aijo' kabai mompotimbali aha da sanang na kantumuu'an nu aha.

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

IBRANI 12:10

Tu'anyonto i dunia mompokinde'i kita madi' sampe toka sidu-sidutu', ola iya na anu nu oa'i nu aha ma'ima'. Panyo Tumpu Allah mompokinde'i kita da bau ka'ima'anto da kita timbali susi' hingga-hinggat tiba Ia.

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”