2 SAMUEL 16:1 - KITAB NU TUMPU ALLA LELE MA'IMAI'

¹ Ma'isa pinin na i Daud noliu-liu bawo nu puge'nyo monti-montiik tinokamo na i Ziba posaihon i Mefiboset kahanda' singkabot tiba ia, nomboa mae sapaan na keledai anu ko sosake'onnyo ua atu na batuan nu roti, ka' sa atu na pumpungan nu anggur anu nahamo, sa atu na' segotan nu bua-bua' anu salaje' ingala, ka' sa angu' na botutu nu anggur anu o inum.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

2 SAMUEL 15:32

Salatan i Daud tinokamo aita mae i bawo nu puge'nyo itampat anu saja' ponsomban nu mian Tumpu ia ilalabotmo nu sangalunyo anu mompahasumbu' hondo, aijo'mo i Husai mian nu Arki. Baju' i Husai nobeakmo ka' ubaknyo kinakambuhannyomo nu abu'.

2 SAMUEL 19:32

I Barzilai i langkai'mo hondo, umunnyo walumpulu'mo na taun. Ia kaya hondo ka' daagi tempo'nyo i tomundo' jinojoong i Mahanaim u'utu mae, i Barzilai na lewa' mompotoukai anu nu kaan i tomundo'.

1 TAWARIKH 12:40

Aha to tulu-tulunan nu bansa sangga'at anu jojoong i sasu utara maumo majo'on aijo'mo tulunan nu bansa Isakhar, Zebulon tiba Naftali singkapmo mae tinoka na aha nonsake'i mae keledai, unta, bagal, ka' sapi' ka' manjoo' hondo na anu okaan pinaha posake' mae nu aha: labu, buah nu ara, kismis, anggur, ka' lanya' nu zaitun. Aha mule' nomboa mae sapi' ka' domba da o kolot ka' okaan. Iwi-iwi' aijo' bau pomponyata' kalana talalomo hondo sinanang na kinyonyoa nu aha mian Israel iwi-iwi'.

AMSAL 18:16

Palasen aijo mombau jalan ka' molaya' mian mamba hi to mia-mian anu talasanggo.

YEREMIA 40:10

Jojoongmo ikota-kota' anu nu ka'ima'i nu belemiu ka' pongalamo ka' mule' pompo una'mo anggur, bua' nu kau' anu okaan tiba lanya' nu zaitun. Aku suele jojoongmo i Mizpa ka' timbalimo wakin nu mian da'isan de aha mian nu Babel tokamo mae.”

YEREMIA 40:12

Kalana aijo' pinala'ianmo nu aha na tampat anu pinongga'a-ga'atakonan aha lantas ninsusule'mo i Yehuda. Aha nambamo hi Gedalya kiijo' i Mizpa, ka' nongalamo manjoo' hondo na anggur ka' bua' nu kau' anu okaan.

AMOS 8:1

Aku nontoa mule' lengkat mae hi Tumpu Anu Matangkas na Kuasanyo. Tinoang-Ku sa'angu'na kalanjang isinyo bua' nu kau' anu nahamo.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

1 SAMUEL 10:3

I Samuel po'ule mule notatae, “Lengkat itina' beleyum lajangmo lau-laus sahingga toka ikau' tampat ponsomban kiijo' i Tabor. Kiijo' mae beleyum singkabotje tiba aha totolu' na to momo'ane anu mamba i Betel monsombahkon koloban hi Tumpu Allah. Samian montaka' totolu' na anak nu mee' ka' samian mule' nomboa tolumbatu na roti, ka' samian mule' nomboa botutu kilit anu ko isinyo anggur.

1 SAMUEL 16:20

Lapas aijo' i Isai nontoukaimo sa'angu na keledai, lantas pinosake'nyomo na anak nu mee' sa'angu', roti tiba botutu kilit anu ingisianmo buke-buke' nu anggur. Iwi-iwi' aijo' binee'nyo hi Daud da osombahkon hi Saul.

1 SAMUEL 25:18

Lantas lia-lia' na i Abigail nongala roti ua'atu na angu'annyo ka' ohua' na botutu kilit pinobuke'an nu anggur, olima' na domba anu tinunuanmo, gandum sampulu' ka popitu' na kilogram anu ginolengmo, sa'atu na pumpungan nu anggur anu nahamo, ka' ua'atu na kukis. Iwi-iwi' aijo' pinosake'nyomo i to kele-keledainyo.